Mesazhi i Palmer, Vuçiç: Të anulojnë taksën, ne ta pranojmë Kosovën. Shaka!
Nëse është ashtu siç ka thënë Matthew Palmer, dhe atë në Kosovë ku kam pritur se ai do të kërkoj uljen e pritshmërive nga pushteti prishtinas, duke ju bërë të ditur se është i domosdoshëm kompromisi, unë tani pyes se për çfarë atëherë të bisedojmë. Për momentin, se kur duhet ta pranojmë pavarësinë e Kosovës dhe ata të na heqin taksën? Mua kjo më duket si një shaka. Gjithsesi se do të jemi të gatshëm për bisedime dhe për zgjidhje kompromisi por jo për përçmimin e Serbisë, kurrë nuk do të pranojmë. Kështu shprehet Presidenti i Serbisë, Aleksandar Vuçiç për të përditshmen serbe “Veçernje Novosti” pas deklaratës së qartë të Përfaqësuesit Special të Departamentit të Shtetit për Ballkanin Perëndimor, Matthew Palmer para studentëve në Prishtinë, se Serbia nuk mund të bëhet anëtare e BE pa e pranuar Kosovën e pavarur.
“Me kujdes të veçantë kam përcjell deklaratat e Palmerit dhe e di se kemi të bëjmë me një profesionist elitar dhe njeriun i cili punën e tij e bënë në përputhje direkte me politikën e Departamentit të Shtetit dhe SHBA. Ajo që më befasoi ishte fakti që si në Prishtinë ashtu dhe Shkup, foli për detyrimet e Beogradit dhe disa prej tyre janë shumë kontestuese. Për asnjë çast ai nuk përmendi detyrimet reale dhe objektive të Prishtinës, siç është Asociacioni i komunave me shumicë serbe, që është dhe detyrimi i tyre ndërkombëtaro-juridik i cili rrjedhë nga Marrëveshje e Brukselit dhe të gjitha anekseve të mëvonshme nga kjo marrëveshje,” tha Aleksandar Vuçiç duke mos e fshehur as habinë që Matthew Palmer foli për fushatën agresive të Serbisë lidhur me tërheqjen e njohjeve të pavarësisë së Kosovës, ku, thotë Presidenti i Serbisë, kurrë nuk kemi pranuar një marrëveshje që të heqim dorë nga lobimi dhe as që e kemi firmosur një gjë të tillë. Dhe jo vetëm kaq!
“Dua t’ju kujtoj se unë personalisht kam ofruar që të ndërpresim të dyja palët fushatën e njohjes dhe çnjohjes, por shqiptarët nuk kanë dashur të dëgjojnë për një gjë të tillë, sepse sipas tyre, ndërprerja e fushatës për njohje do të nënkuptonte se ata nuk janë shtet. Por, për mua është e paimagjinueshme se Palmer dhe Shqiptarët mendojnë se vetëm ata kanë interesat e tyre dhe se Serbët nuk i kanë,” tha Presidenti i Serbisë, Aleksandar Vuçiç duke u bërë sikur nuk e kupton se cili është realiteti pavarëssssisht deklaratës së Matthew Palmer.
