Mesazhi për Edi Ramën në SPAK, Berisha: Prokuroria politike merr fund më 11 maj!

Prokuroria politike e Edi Ramës, e kukullës së George Soros, me në krye mercenar Dumanin, patericë e pushtetit të krimit, merr fund me turp më 11 maj të vitit 2025, ishte ky mesazhi për Edi Ramën që Kryetari i Partisë Demokratike, Sali Berisha, e la në SPAK.

Pasi konfirmoi prezencën si masë e sigurisë “detyrim paraqitje”, Kryetari i Partisë Demokratike tha se në SPAK gjeti Etjenin e Fatmir Xhafës, që u bë kurban i marrëveshjes Rama-Dumani, ish-xhelatin e Sigurimit të Shtetit, Arben Kraja që po merrte një strajcë me pare nga Benet Beci dhe po pinin një kafe shtruar.

“Gjeta kurban Etjenin e Fatmir Xhafës, kurban të marrëveshjes Rama-Dumani. Sepse Etjeni e shkeli marrëveshjen sipas të cilës nuk mund të sulmohet më Skapi pa autorizimin e plotë të Edi Ramës.

Marrëveshja është kufizimi, ndalimi i hetimeve për zyrtarët e lartë. Dhe pasi dështoi në bashkimin e votave me opozitën, pasi u përpoq të tërheqë opozitën në një akt antikushtetues dhe të papërgjegjshëm, u ul nëpërmjet Uluziut dhe firmosi marrëveshjen. Etjeni kishte mbetur aty, nuk dilte më nga Skapi,” tha Sali Berisha para Prokurorisë së Posaçme ku ishin qindra mbështetës demokratë ndërsa akuzoi Taulant Ballën si një kriminel më të rrezikshëm se bandat që ai pret, duke e lidhur atë me disa grupe kriminale.

“Vazhdon historia e Taos, i cili siç e dini ju, pasi arrestoi me policinë dhe prokurorinë e Elbasanit rivalët e bandës, pasi u mor me çlirimin e aseteve të Toyota Yaris, vazhdon krimin e tmerrshëm zgjedhor. Por kësaj here, bashkëpunëtor numër 1 ka bandën dhe Skapin e partisë.”

Ndryshe, Kryetari i Partisë Demokratike, Sali Berisha, pasi firmosi prezencën e tij në kuadër të masës së sigurimit “detyrim paraqitje”, ka lënë në SPAK këtë mesazh:

“Prokuroria politike e Edi Ramës, kukullës së George Soros me në krye mercenarin Dumanin, është vegël e regjimit të tij narkodikaturës, është patericë e pushtetit të tij që merr fund me turp më 11 Maj 2025!”

Deklaratë:

Tani, çfarë gjeta unë aty.

Aty ish-xhelatin e Sigurimit të Shtetit, Arben Kraja që po merrte një strajcë me pare nga Benet Beci dhe po pinin një kafe shtruar.

Pra, një.

Gjeta kurban Etjenin e Fatmir Xhafës, kurban të marrëveshjes Rama-Dumani. Sepse Etjeni e shkeli marrëveshjen sipas të cilës nuk mund të sulmohet më Skapi pa autorizimin e plotë të Edi Ramës.

Marrëveshja është kufizimi, ndalimi i hetimeve për zyrtarët e lartë.

Dhe pasi dështoi në bashkimin e votave me opozitën, pasi u përpoq të tërheqë opozitën në një akt antikushtetues dhe të papërgjegjshëm, u ul nëpërmjet Uluziut dhe firmosi marrëveshjen.

Etjeni kishte mbetur aty, nuk dilte më nga Skapi.

Edhe një gjë, është shumë interesante të lexoni aty ku firmos unë dëshminë që unë erdha, aty thotë procesverbali nuk mund të bëhet asnjë vërejtje.

Dhe unë pastaj bëj një fletë të veçantë ku i them: Prokuroria politike e Edi Ramës, e kukullës së Xhorxh Sorosit, me një krye mercenar Dumanin, është vegël e regjimit të tij dhe patericë e pushtetit të krimit, i cili merr fund me turp më 11 maj të vitit 2025.

Ky është mesazhi për Edi Ramën që lashë në tavolinë.

Tani vazhdon.

Ne jemi opozitë dhe për ne, beteja për votën e lirë është beteja e të gjitha

Armiq të votës së lirë sot janë ministra, kriminelë të votës së lirë janë ministra dhe mbiministra.

Vazhdon historia e Taos, i cili siç e dini ju, pasi arrestoi me policinë dhe prokurorinë e Elbasanit rivalët e bandës, pasi u mor me çlirimin e aseteve të Toyota Yaris, vazhdon krimin e tmerrshëm zgjedhor.

Por kësaj here, bashkëpunëtor numër 1 ka bandën dhe Skapin e partisë.

Ju lutem dëgjojeni.

Me datën 17.11.2020, Target e njoftoi pinin AM5P80 se Bujari takoi Taon dje dhe ai konfirmoi se Nefi, kundërshtari i bandës do shkojë në SPAK 100 përqind siguri.

Pra, thirrjet në SPAK vendosen nga Tao dhe Edi Rama, se Tao nuk i bën pa Edi Ramën këto dhe pastaj dërgohen në Skap për t’i ekzekutuar.

Me datën 23.11.2020, Target njofton pinin AM5P80 se të gjithë e kanë ‘bllokuar’ Taon në mënyrë që të kuptojë nëse nuk ua rregullon këtë, nuk i ka në krah.

Pra, Taos banda i bën bllokadë të plotë, ose qëndroji fjalës, ose me ne do kesh punë.

Me datën 24, një ditë më vonë, Target informon të njëjtin pin se sot ata informuan Taon, ose ti bëje këtë për ne, ose nuk do lejojmë në anën tuaj zgjedhje.

E kuptoni ku vendoset fati i zgjedhjeve dhe i votave? Vendoset në bodrumet, vendoset në shpellat e klaneve më mafioze të Edi Ramës.

Dhe pastaj kësaj thirrje, këtij paralajmërimi, këtij ultimatumi, Tao tha: Nesër ndodh!

Pra, të gjitha urdhërohen nga banda, ultimatumit të bandës që ose vepro, ose nuk do ketë zgjedhje siç i do, pra nuk do vjedhim vota për ty, Tao u përgjigjet: Nesër ndodh.

Këto janë krimi elektoral, dosjet e krimit të shëmtuar të Taulant Ballës, Edi Ramës, mbi të cilat fle Skapi i partisë dhe ky është një krim monstruoz kushtetues.

Nuk e kam të qartë se kush është Target në këto përgjime.

Nuk mund ta them, nuk krijoj dot… që është eksponent i krimit, kjo nuk ka diskutim, por nëse është një anëtar i bandës me kollare apo me llërë të zhveshura dhe me automatik në dorë, nuk mund ta them.

Një gjë dua të them, që për mua si përgjegjës, si kryetar i partisë kryesore opozitare, krimi elektoral është krimi i parë, krimi më i shëmtuar, më i rëndësishëm, më antikushtetues.

Ramën, Gjiknurin, Manjën dhe të tjerët i ka amnistuar Altin Dumani, kjo dihet që ata janë kriminelë elektoralë.

Por këto të dhëna të reja që paraqes unë për krimin elektoral, këto dëshmojnë amnistinë ndaj këtij krimi të shëmtuar nga Skapi i partisë, dëshmojnë hipokrizinë e pretendimit të tyre se do hetojmë krimin elektoral.

Ndërkohë, duhet të jemi realistë, Tao në dokumente figuron më i lidhur me disa banda. Jo me një, me disa banda.

Prandaj Tao, që është një kriminel i vërtetë që mban portofolin e ministrit dhe mandatin e deputetit, është më kriminel se bandat, të cilave u shërben…

Lidhur me udhëtimin tim në Bruksel unë do të shkoj fitimtar atje.

Letra ka disa vlerësime të qarta aty se pse është ftuar Berisha në IDU. IDU është unioni demokrat ndërkombëtar dhe unë do shkoj atje pa diskutim edhe për të dhënë lajmin e triumfit të PD-së në zgjedhjet e 11 majit, për të dhënë edhe shembullin dhe praktikat se betejat për liri nuk humbasin kurrë…

Lidhur me Elon Musk po bëhet një parapërgatitje për të qëmtuar se ku janë dhjetëra miliardë euro, ku i çoi Edi Rama, Lubi Balluku, etj. Ky do jetë një grup, në kuptimin e betejës është një grup që do merret me këtë betejë, kurse individë si Musk, nëna të dytë nuk bën.

A nuk është krim zgjedhor të marrësh gjysmën e qeverisë dhe të shkosh për qëllime elektorale në Athinë?

Nuk ka krim më të shëmtuar zgjedhor se ky!

Krimi zgjedhor këtu ndodh çdo ditë dhe absolutisht nuk ka asnjë reagim të vetëm.

Këto janë krimet, krimi është për fushë.

Lubi Balluku ka marrë ministritë dhe agjencitë i ka çuar të gjitha në Fier se ajo beson se do mund të zgjidhet deputete, por të zgjidhet dhe të stërzgjidhet, por në mënyrë absolute ajo do bëhet përgjegjëse si ministrja më hajdute e të gjitha kohërave e Shqipërisë.

Gjyshi i saj ka qenë lule ç’është kjo.

Kjo është e pangopur, e papërmbajtur.

Është njeriu që nuk ka asnjë lloj përmbajtje, ka vetëm pasion të çmendur për të vjedhur.

Drejtoresha e Albkontrollit meremetoi zyrën me 220 mijë euro. Një vilë e re kushton 220 mijë euro, zyra e saj kushton aq vetëm se ulej Belinda… lërë mos e pyet.

Së pari, McGonigal kishte shkuar në kryeministri.

Ke të drejtë që më pyete, po unë nuk jam në kryeministri.

Kishte ardhur këtu, kishte marrë dosjen dhe kishte shkruar në kryeministri te Edi Rama. Aty po bënte pazaret e fundit, i thotë Ramës, o të vish dhe po e fton Ramën.

E vërteta është se mund t’u them këtu me garanci se pas 11 majit, dhe ia them edhe Edi Ramës, do ekstradohet menjëherë në SHBA.

Pa asnjë diskutim, përderisa këta këtu nuk guxojnë t’i japin atë që meriton, atëherë rruga e vetme është një kërkesë zyrtare, qeveria shqiptare drejtuar qeverisë së SHBA për ekstradimin e këtij delinkuenti para drejtësisë amerikane.

Do ndodhë, kjo është e vërteta…

Reformimi është detyra jonë. Unë e them, kurrë një prokurori politike nuk mund të pranohet, sepse një prokurori politike është instrument i diktaturës.

Dhe që Skapi është shndërruar në prokurori politike, sot ka konfirmim botëror. Janë tre rezoluta të të gjitha partive të qendrës së djathtë në botë që e kanë damkosur këtë si prokurori politike. Ndaj nuk do mund të jetë kurrë prokurori politike.

Së dyti, nuk mund të jetë kurrë një prokurori që kontrollon gjykatësin ku çon dosjen.

E morët vesh tani se çfarë ka ndodhur me Ilirjanën? Ilirjana Olldashit i ka dalë emri, jo se ka pasur në Encrochat, por kanë folur të tjerët për Ilirjanën dhe këta e kanë kërcënuar dhe Ilirjana është zhdukur, ka marrë një raport pafundësisht.

Se kishte dosjen e Erion Veliajt.

Ja pra, ky është mekanizmi se si këta e përcollën me raport me afat të gjatë zonjën Olldashi sepse filani kishte thënë këto, ai kishte thënë ato.

Po ato mund t’i kenë organizuar edhe vetë… kush i merr vesh këto punë.

Kjo formë kontrolli mbi gjykatësit që trajtojnë dosje që shkojnë nga Skapi, merr fundi.

Do ketë një kontroll tjetër, por jo këta që janë në konflikt të plotë interesi.

Së fundmi, kush i kontrollon këta? A mundet të ketë një institucion jashtë kontrollit? Askund nuk ekziston në një republikë parlamentare në demokraci. Nuk ka asnjë institucion jashtë kontrolli, përveç kontrollit të pengmarrësve.

Këta duhet të kenë sistemin e kontrollit si në gjithë botën.

Pra këto elementë reformimi dhe natyrisht largimi nga Skapi i të gjithë atyre që kanë lidhje me krimin dhe që janë të evidentuar tashmë.

Këto janë pra qëndrimet e PD për Skapin.

Edi Rama vërtet u përpoq që të bashkoheshin votat, por mori atë që meritonte. Kurrë nuk mund të bashkoheshin votat me një njeri që kishte hallin e dosjeve e tij të mëdha të krimit.

Pse do mbrojë unë Edi Ramën? Kurrë…

Nuk them se kush do e bëjë kontrollin, unë besoj se do vendoset me Komisionin e Venecias.

Ilir Meta është i burgosur politik dhe ka mbështetjen e plotë totale të PD dhe të gjithë opozitës shqiptare.

Nuk ka diskutim.

Lista të hapura? A mund të bëjë fushatë ai nga burgu. Ai donte nga lista të hapura, por ata e mbajnë në burg që të mos bëjë fushatë, sepse Edi Rama do të marrë mandatet duke mbajtur kundërshtarët në burg.

Prandaj ai do jetë deputet në parlament dhe Edi Rama do jetë aty ku e meriton, do ekstradohet tek McGonigali.

Bile ja tani atje është McGonigali.