Meta ka filluar të shqetësohet për popullin: Jam i shokuar! Ja arsyet e kthimit të ligjit të Metrologjisë…
Presidenti i Republikës, Ilir Meta, sot u bë sikur ishte shqetësar për popullin ndërsa po sqaronte arsyet pse e ktheu për shqyrtim ligjin për Metrologjinë dhe pse kërkoi hetime nga SPAK, tha se ky shërbim që i takon publikut, jo vetëm i jepet privatit, por i jepet një privati preferencial.
Të vetmit që humbasin në këtë mes janë qytetarët shqiptarë, tha Meta por kjo nuk ishte agjë e re për ata që paguajnë nga viti 1945, dhe nuk është se rrezikojnë të paguajnë një çmim të caktuar për një sasi jo të saktë vetëm sot kur thotë Presidenti i Republikës. Gjithsesi ai sot u shpreh:
“Në jetën e përditshme për çdo shërbim që marrin qytetarët përballen me mallra që kalojnë nga peshëmatja, pra përmes shërbimit Metrologjik shteti garanton kontrollin e Metrologjisë që qytetarët të paguajnë për aq sa marrin në shpërblim edhe vjelja e taksave merret mbi sasinë e mallrave që qarkullojnë. Ky shërbim duhet të garantohet nga shteti.
Ata e kanë dhënë me koncension Metrologjinë nga shteti në privat, ligj me përmbajtje të rëndë antikushtetueshmërie, shkelet tregu i lirë dhe konkurrues. Skemë klienteliste, dhënia nga shteti te privati pa negociuar asnjë kusht kur vjen puna tek mbrojta e konsumatorit. Shteti heq dorë nga ky shërbim publik. Shërbimi kaloi në 4 P, Partneritet Publik Preferencual i Paracaktuar. Kjo është forma më e rëndë e shpërdorimit, e kam quajtur korrupsion legjislativ, nuk e ka shpikur Presidenti këtë term,” tha Ilir Meta duke shtuar se ligji në fjalë dhunon konkurrencën e lirë, cenon konsumatorët, shkel ligjin, sjell kosto shtesë për një shërbim që duhet dhe duhej kryer nga shteti.
“Ky është një tregues se si ligjvënësi është vënë në mbrojtje të oligarkëve të paracaktuar. Ky shërbim nuk kontrollohet dot as me vendim gjykate. Instrumenti matës nuk mund të jetë me i sigurt. Qytetarët do të detyrohen të paguajnë më shumë për sasi që nuk i marrin realisht. Ndaj e ktheva, njoftova SPAK për nisjen e hetimeve në lidhje me këtë ligj. E di shumë mirë që deputetët nuk mbajnë përgjegjësi, por ky parashikim kushtetues s’mund të përdoret si strehë për veprime arbitrare. Për t’i zbuluar hetimet të veprojë SPAK pa asnjë vonesë. Jam i shokuar se si Kuvendi i Shqipërisë kur në këtë situatë me covid që rëndohet, gjen kohën të çojë në duart e oligarkëve këto shërbime që rëndojnë te qytetarët. Korrupsioni nuk kryhet më nën dorë, por hapur, ditën për diell,” tha Presidenti i Republikës me një imazh të ri ndërsa sqaroi pse vendosi të dalë me maskë Anticovid:
“Unë e kam pasur dhe e kam tmerr të mbaj maskë, por për të mos lënë asnjë hapsirë për spekulim jam i detyruar. Nuk ka të bëjë me thirrjet e kryeministrit por me përkeqësimin e situatës.
Apeloj të gjithë të kujdesen sepse kryeministri na mbushi mendjen mendjen tre muaj se ishte pa vlerë, tani doli me këtë vesion. Duhet të bëjë cdo gjë që qyetarët të kenë maska, të shtojë testet, të rrisë gjurmimin e kontrollin. Nëse e shihni si reflektimin tim, prap positive mbetet, shpresoj të reflektojnë edhe këta që nga ligjet për oligarkët e deri te tensionimet artificiale të situatës.”
Kur ja lejonte Kushtetuta, Ilir Meta gënjente popullin se do të shpërndajë Parlamentin dhe me ditë të tëra tundi Kushtetutën, tani kur Ligji i ri për Presidentin nuk e lejon një gjë të tillë, gardiani i Kushtetutës thotë se kushtetutën është populli
“Mbi kushtetutën është vetëm populli, aty është populli i 2 marsit vetëm sa është shumëfishuar, ndaj të merren me pandeminë, me shëndetin e popullit. I ftoj edhe këta oligarkët që të mos harxhojnë lekë kot se do të zhgënjehen në 25 prill. Një referendum mbarëkombëtar do vijë që do rrëzojë këtë sistem oligarkik që duan t’i kthejnë shqiptarët në të pambrojtur, do ketë rivendosje të rendit kushtetues. Kushtetuta është mbi të gjitha, mbi të është veç populli.”
