Meta refuzon Sandër Lleshin/ Nuk mbaron me kaq. Edi Rama: Do t’i drejtohem Kuvendit në orën 10:00!
Parlamenti i Shqipërisë sot në një seancë të posaçme do të votoj Dekretin e Presidentit për shkarkimin e Ministrit të Brendshëm Fatmir Xhafaj.
Edhe në këtë seancë të pranishëm do të jenë vetëm deputetët e mazhorancës.
Ndryshe, dje Edi Rama paralajmëroi përmes rrjetit social Twitter se do t’i drejtohet Parlamentit në orën 10:00 pak çaste pasi vendosi që Sandër Lleshi do të marrë drejtimin e Ministrisë Brendshme si zëvendës ministër. Por, për kryeministrin Edi Rama, kjo:
“Nuk mbaron me kaq!”
Ndërkohë pasi Edi Rama propozoi këshilltarin e tij, Sandër Lleshi për postin e Ministrit të Brendshëm dhe ai nuk u pranua nga Presidenti Ilir Meta, ai u takua me Metën por pa sukses, dhe dje një takim të dytë zhvilloi edhe kryetari i Parlamentit, Gramoz Ruçi, takim për të cilin nuk u tha asgjë zyrtarisht.
Ilir Meta përmes një deklarate foli se kemi të bëjmë me një President parimor dhe gardian të Kushtetutës i cili nuk sfidohet dhe se koha e Sekretarëve të parë ka kaluar, por mëngjesi i ditës së martë në Presidencë gdhiu me Dekretin për Drejtorin e Shërbimit Informativ Shtetëror, Helindon Bendon, i cili është i komanduar që nga tetori i vitit 2017.
Fjalimi i kryeministriti Edi Rama, sot në seancë parlamentare e orës 10:00 do të sqaroj se nga kush u sfidua Presidenti Ilir Meta, nga mesazhi kërcënues i Ramës apo nga Ish-Sekretari Gramoz Ruçi. Njohësit e rrethanave në PS theksojnë se është kjo e dyta meqë është dhe punë spiunësh!
