“Mezhgorani”/ Gjykata e Përmetit jep masat e arrestit, lirohen 10 persona dhe botuesi Henri Çili

Gjykata e Përmetit ka dhënë masat e arrestit për 31 të arrestuarit nga operacioni “Mezhgorani”. Mësohet se janë liruar në detyrim paraqitje botuesi Henri Çili, Entlijon Kamberaj,  Abaz Dani, Shpresa Gjocaj, Kejsi Meco, Liko Jazi, Edmond Xaka, Kristina Bashi, Daniel Yzeiraj, Lisander Alikollari. 

Ndërkohë për Drejtorin Juridik të UET, Ilir Korbi është dhënë masa “arrest shtëpie” ashtu si dhe të akuzuarit Besnik Fishta.

Kurse arrest me burg, Gjykata e Përmetit dha për: Amarildo Aliko, Eraldjan Hodo, Xhevair Sejati, Neuland Miçi, Skënder Toska, Armando Hajdinaj, Sidi Ramaj, Erment Beqaraj, Askerd Malke, Elidon Alikollari, Ervin Çela, Antonio Hasa, Adriatik Brakaj, Aristidh Çoli, Klea Pëllumbi, Kladi Dervishi.

Masa e arrestit biznesmenit Sait Fishta dhe Betim Shkupit do i komunikohet nesër në një seancë të dytë.

Ndryshe, Henri Çili do të paraqitet një herë në muaj para Gjykatës, ndërsa gjyqtarët e çështjes kanë rrëzuar akuzat e prokurorit duke i konsideruar si të paligjshme.

Më herët gjatë ditës së sotme, gjatë mbrojtjes në gjykatë, Çili ka pranuar përgjimet, me argumentin se ai ka një studio ligjore që ia legjitimon ndërmjetësimin dhe se biseda të kësaj natyre janë brenda profilit të punës së kësaj studioje ligjore.