Microsoft: Zgjedhjet në SHBA, sërish në shënjestër të hakerëve rusë

Gjiganti teknologjik, Microsoft, tha sot se hakerët e lidhur me Rusinë, Kinën dhe Iranin janë duke tentuar të spiunojnë njerëzit dhe grupet e përfshira në zgjedhjet presidenciale të këtij viti në Shtetet e Bashkuara.

Grupi rus, që ka kryer hakime të fushatës së demokratëve më 2016, është sërish i përfshirë në sulme kibernetike, ka sqaruar kjo kompani amerikane.

Microsoft tha se ka qenë e qartë që grupet për aktivitet të jashtëm kanë rritur përpjekjet duke shënjestruar zgjedhjet.

Si fushata e presidentit aktual, Donald Trump, ashtu edhe ajo e kandidatit demokrat për president, Joe Biden, raporton RFE, thuhet se janë në shënjestër.

Ndryshe, zgjedhjet presidenciale në SHBA do të mbahen më 3 nëntor.