Mike Pompeo: Irani po gënjen për arrestimin e 17 spiunëve të CIA-së

Pas lajmit të agjencive iraniane ka reaguar Sekretari amerikan i Shtetit, Mike Pompeo duke përgënjeshtruar faktet e dhëna nga Irani për arrestimin e 17 spiunëve që kanë punuar për CIA-n, disa prej të cilëve janë dënuar me vdekje.

“Regjimi iranian ka një histori të gjatë të gënjeshtrave,” tha Mike Pompeo duke folur për “Fox News”,  dhe pa dhënë detaje tha se sa i përket marrëdhënieve me Iranin, ekziston një listë e gjatë e shtetasve amerikanë që dëshirojmë ti sjellim në shtëpi dhe janë në Republikën Islamike të Iranit.

Lajmi mbi shkatërrimin e rrjetit amerikan të spiunazhit vjen pas tre muaj  tensionesh të Iranit me Perëndimin, ku kulmi është arritur me konfiskimin e anijes cisternë të naftës nga Mbretëria e Bashkuar, “Stena Impero”. I pyetur për anijen e konfiskuar britanike dhe rolin e mundshëm të SHBA, Pompeo për “Fox News” tha se është përgjegjësi e Mbretërisë së Bashkuar  që të kujdeset për anijet e veta.