Mikëpritja për investitorët, Edi Rama: As mos e merrni mundimin që…

“As mos e merrni mundimin të vini me albume fshatrash turistike bazuar të shitja e metrave katrorë dhe të pashë dhe ika. Duam projekte që i përgjigjen ambicjes sonë për një turizëm të qendrueshëm.” Ky është mesazhi i kryeministrit Edi Rama për të gjithë ata që mendojnë të investojnë në turizëm në Shqipëri, duke ju përkufizuar se çfarë është turzimi, fshati turistik, resorti e pse jo edhe hotelieria në tërësi, edhe për ata që një jetë tërë merren me këtë biznes por nuk kanë të bëjnë me Kastratin. Dhe jo vetëm kaq!

Njerëzve që merren vetë me biznesine  turizmit u dha leksione se çfarë është hotelieria dhe turizmi, ai cili me reformat e tij bëri të largohet Sheratoni dhe të vij Kastrati, dhe u rikujtoi se në vitin 1929 kishte 27 hotele dhe në vitin 2013 në Shqipëri ka vetëm 30 hotele të çertifikuara. Investitorët janë të mirëpritur, tha Edi Rama por prioritar do të jetë hoteleria dhe nuk do të ketë më asnjë leje për fshatra turistikë.

“Asnjë leje për fshatra turistikë që kthehen në zona banimi, për ata që kanë lekë të blejnë një vilë dhe pastaj ta mbajnë mbyllur. Investimet janë të kombinuara dhe hoteleria është domosdoshmëria. Kemi vendosur që në rastin e dhënies së një leje zhvillimi për një resort, jo me fshat turistik do e fshijmë nga fjalori se është të hash sot atë që ke në frigorifer për gjithë muajin.”

Po çfarë janë resortet?! Ku mund ta dijnë njerëzit që merren me turizëm dhe kurrë nuk kanë qenë piktor dhe basketbollist. Për këtë punë është Edi Rama me leksionin e tij të vlefshëm:

“Resortet do të jenë mikse, do të ketë hoteleri dhe akomodim në pjesën për vila individuale, por lejet do të zbardhen në dy faza, do bësh hotelin dhe pastaj lejen për vila. Historia që hapim themele i shesim në themel i marrim me këste dhe pastaj hoteli mbetet në letër, ngremë kantierin dhe ikim e pas lëmë mëhallë njerëzish që kanë lekë më shumë dhe e përdorin atë 15 ditë në vit, dhe ajo pasuri mbetet e vdekur është histori që duhet të marrë fund. Kështu që as mos e merrni mundimin të vini me albume fshatrash turistike bazuar të shitja e metrave katrorë dhe të pashë dhe ika. Duam projekte që i përgjigjen ambicjes sonë për një turizëm të qendrueshëm,” tha ai kryeminitri Edi Rama.