Militanti denoncuar i PS/ Sot Adriatik Hamza arrestohet për korrupsion
Një doganier i pikës Doganore Tiranë është arrestuar për korrupsion.
Policia e Tiranës bën me dije se Seksioni për Hetimin e Korrupsionit në bashkëpunim me Drejtorinë e Antikorrupsionit dhe Drejtorinë e Hetimit Doganor në Drejtorinë e Përgjithshme të Doganave ka rrestuar doganierin Adriatik Hamza, 41 vjeç, banues në Tiranë me detyrë Doganier në pikën Doganore Tiranë.
Ky shtetas duke shfrytëzuar atributet që i jep posti i ka kërkuar dhe marr një shumë në euro shtetasit V. Ç., 54 vjeç, shofer i një subjekti në Strugë, për ta lejuar të dilte nga territori doganor.
U sekuestrua në cilësinë e provës materiale shuma e përfituar në mënyrë të kundraligjshme.
Materialet iu referuan Prokurorisë së Rrethit Gjyqësor Tiranë për veprime të mëtejshme në ngarkim të shtetasit të lartpërmendur për veprën penale “Korrupsioni pasiv i personave që ushtrojnë funksione publike”, parashikuar nga neni 259 i Kodit Penal.
Ky emër nuk është I panjohur për opinionin publik. Vitin e kaluar, në kohën kur Ministria e Financave drejtohej nga ministrja teknike e propozuar nga PD, Helga Vukaj, kishte kallëzuar në Prokurori doganierin Adriatik Hamza, pasi ky i fundit ishte përfshirë në fushatën e Partisë Socialiste në Tiranë, shkelje kjo e rëndë e ligjit që nukkishte shqetësuar Rilindjen. Këtë e dëshmon edhe arrestimi i sotëm që konfirmon se doganieri Adriatik Hamza ka vazhduar punë pa u marrë asnjë masë ndaj tij.
