Milot-Balldren/Denoncimi, PD: Afera më korruptive e Qeverisë Rama. Ja faktet…
Partia Demokratike duke denoncuar sot koncensionin për ndërtimin e rrugës Milot-Balldren, përmes Ish-Deputetes Jorida Tabaku dhe drejtueses së Departamentit Antikorrupsion pranë PD, Lealba Pelinku, shprehet se kemi të bëjmë me një nga aferat më korruptive të Qeverisë Rama, projektin prej 260 mln euro për vetëm 17 km rrugë.
“Koncesionari thotë se do të marrë një kredi bankare 70 milionë euro, duke përcaktuar edhe normën e interesit mbi të prej 5%. Por me një kapital prej vetëm 4 milionë eurosh të deklaruar në QKB, kush do të jetë garanti i saj për këtë kredi me një vlerë të tillë dhe interesa kaq të larta? A i ka dalë qeveria garante me marrëveshjen e bërë për këtë hua,” është një nga paqartësitë që ngre dyshime për korrupsion ashtu si edhe kostoja e ndërtimit të rrugës e cila u rritë në mënyrë të çuditshme:
“Është një nga aferat më korruptive të qeverisë Rama bëhet fjalë për projektin 260 mln euro të rrugës prej 17 km të rrugës Milot-Balldren. Qytetarët dinë se do të paguajnë 16 mln euro për një kilometër, por vlera e saj mund të rritet duke e kthyer kontratën në një skemë korruptive. Afera është pothuajse e ngjashme si me Unazën e Re ku një km kushton 20 mln euro, ndryshimi është se këtu nuk u shpik një kompani me dokumente të falsifikuara ppr qeveria ia dha PPP me ofertë të pakëruar një komanie të vogël që është në pronësi të ish-deputetit të PS-së, Agim Kola.”
Duke u bazuar në dokumenta, kjo skemë mafioze shpjegohet me kostot e këtij projekti:
“Në buxhetin e vitit 2018 ky projekt u parashikua me 113 mln euro, më pas tenderi u hap me 50 mln euro më shumë, duke e çuar vlerën në 161 mln euro, duke lënë mundësi në dokumentet e tenderit që vlera të shkonte më shumë. Në kontratën e depozituar në Parlament vlera shkon në 216 mln euro dhe bashkë me TVSH do të kushtojë 265 mln euro, por kjo nuk është vlera përfundimtare,. BVlera totale që Ministria e Financave ka llogaritur deri në vitin 2032 është në total 36 mld euro, plt 295 milion euro Pra shteti ka lënë hapësirë deri në 295 mln euro për tu paguar. Kjo rritje skandaloze do bëhet me një vendim Parlamenti. Kontrata lë hapësirë që vlera të ndryshojë sërish.”
“Kompania e ka fituar koncesionin pa garë, pa transparencë pa përcaktuar asnjë kusht për transparencë të hapur. Kjo shoqëri fut në lojë paratë e pista, duket si një skemë e ngjashme si me Unazën e Re,” tha Ish-Deputetja e PD, Jorida Tabaku duke kërkuar që Prokuroria të nisë hetimet, pasi pasojat për këdo që firmosë do të jenë shumë të rënda.
