Minatorët e Trepçës hyjnë në grevë

Sot minatorët e Trepçës e kanë filluar grevën duke kërkuar plotësimin e kërkesave të grevës së pezulluar para disa muajve.

Turni i parë i këtyre punëtorëve nuk ka hyrë sot në minierë të punojë, po ashtu edhe turni i dytë e mbështeti turnin e parë duke vazhduar grevën.

Arsyet e grevës janë pakënaqësitë ndaj institucioneve shtetërore të cilat sipas tyre nuk u përmbushën kërkesat e tyre.

Antari i kryesisë së Sindikatës së Trepçes, Isuf Peci, tha se greva ka filluar sot dhe do të vazhdojë deri nesër.

“Kërkesa jonë e parë është rritja e pagave deri 20 përqind, kërkesa tjetër e jona është se pse bordi asnjëherë nuk është takuar me ne, kërkesë tjetër e jona është se pse për Vitin e Ri nuk nau kanë dhënë 100 euro dhe një dhuratë si herëve tjera”, tha Peci ndërsa theksoi edhe një shqetësim të punëtorëve: Si po bëhet pranimi i punëtorëve pa konkurs?

Nesër pritet të mbahet edhe një takim ku do të flitet për hapat e mëtutjeshëm se çfarë do të ndodh tha Peci.