Minatorët në Trepçë kërkojnë rritjen e premtuar të pagave

Mëngjesin e sotëm minatorët e Trepçës nuk kanë filluar punën. Ata u grumbulluan para minierës duke bojkotuar punën ndërsa kërkuan rritjen e premtuar prej 10 për qind të pagave.

Kryetari i Sindikatës së Trepçës, Gani Osmani, ka sqaruar se bëhet fjalë për një grup të punëtorëve të transportit kryesor në këtë minierë, ndonëse Kryeshefi ka theksuar javën e kaluar sekjo kërkesë është miratuar.

 “Një pjesë e punëtorëve të transportit në kryesor në Trepçë kanë kërkuar rritje pagash për 10% si dhe sistematizimin e vendeve të punës. Por, kryeshefi ekzekutiv, javën e kaluar i ka njoftuar se iu është miratuar kjo kërkesë,” tha Osmani duke shtuar se edhe sot Kryeshefi do të shkoj në vend të ngjarjes dhe e sqaron situatën.