Minatorët protestojnë para Kuvendit, kërcënojn me grevë…

Qindra minatorë të “Trepçës” janë mbledhur para Kuvendit të Kosovës duke protestuar për t’iu njohur të drejtat e tyre.

Me thirrjet “Trepça është e jona”, “Jetën e japim ‘Trepçën’ se japim”,  ata kërkuan që të takohen me kryeministrin Ramush Haradinaj dhe kryeparlamentarin Kadri Veseli por përvec se disa deputetëve askush nuk u shqetësua për kërkesat e tyre edhe pse u shoqëruan me kërcënime.

Kërkesat e tyre janë: njohja e pensionit 70 përqind e pagës, mosha 50-55 vjet, Ligji për invalidët e punës, stazhi i minatorit, sigurimi shendetësor në punë, njohja e stazhit 89-99 si dhe pensioni familjar.

Kryetari i Sindikatës së minatorëve të Trepçës, Shyqyri Sadiku   tha se kjo protestë një orëshe është paralajmëruese dhe se ne rast se institucionet nuk marrin parasysh kërkesat e tyre atëherë do të hyjnë në greve dhe ne protesta të cilat nuk do të ndalen deri në realizimin e kërkesave të tyrë.

Me thirrjet “marre marre”, ata kanë protestuar para objektit të Kuvendit.