Mini Shengeni, Albin Kurti: Rruga nga Beogradi për në Tiranë kalon nëpër Prishtinë!

Kryetari i Lëvizjes Vetëvendosje dhe Kryeministri i ardhshëm i Kosovës, Albin Kurti ka reaguar pas Samitit të tretë në kuadër realizimit të projektit të Presidentit të Serbisë, Aleksandar Vuçiç, “Mini Shengen” ndërsa u angazhuan krerët e qeverive shqiptare dhe maqedone, Edi Rama e Zoran Zaev, duke i bërë të qartë Kryeministrit të Shqipërisë se rruga nga Beogradi për në Tiranë kalon nëpër Prishtinë.

Dhe, ndonëse Edi Rama hodhi një lum fyerjesh mbi shqiptarët e Kosovës, Albin Kurti përmes një mesazhi në rrjetin social “Twitter” e sqaroi patriotin Edi Rama se shqiptarët dhe kosovarët janë dhe do të jenë gjithmonë një popull dhe askush nuk mund të qëndrojë mes tyre.

“Parimet e gjithëpërfshirjes dhe reciprocitetit duhet të udhëheqin iniciativat rajonale. Rruga nga Beogradi për në Tiranë kalon nëpër Prishtinë. Ne jemi dhe gjithmonë do të jemi një popull dhe askush nuk mund të qëndrojë mes nesh. Ne kemi nevojë për më shumë bashkëpunim jo konfrontim!”