“Mini Shengeni”/ Atë që nuk bëri Millosheviçi me luftë, Edi Rama po e bënë në paqe!
Atë që nuk e bëri Sllobodan Millosheviç me luftë sot po e bënë Kryeministri Edi Rama në paqe, madje shitet zemërgjërë i cili do ti dhurojë shqiptarëve të Kosovës lëvizje të lirë duke u rikthyer nën sundimin serb, thuase nuk ishin nën Serbi nga viti 1912.
Refuzoi sot në Ohër projektin të quhet “Minis Shengen” por si ideatori i projektit Presidenti i Serbisë, Aleksandar Vuçiç, ashtu dhe paterica e tij Kryeministri i Maqedonisë së Veriut, Zoran Zaev e konsiderojnë “Mini Shengen Ballkanik”.
Dhe derisa dje heshti, sot i doli goja nga vendi ashtu si edhe sytë se të gjithë duhet të heshtin se nuk ka ide për krijimin e ‘Shqipërisë së Madhe” apo dhe “Jugosllavisë së re” ndonëse pranoi se u miratua Plani i Veprimit për të cilin foli dje Presidenti i Serbisë, Aleksandar Vuçiç para se të nisej për Ohër dhe noramlisht as Vuçiç i cili tha se Mini Shengeni ishte ide e tij, nuk mendon ta bëjë Jugosllavinë e Re por Serbinë e Re.
“Një pyetje e thjeshtë do të ndihmonte qytetarët e Kosovës dhe Shqipërisë që kanë kaq vite që heqin të zitë e ullirit në kufi, do të donin të vazhdonin? Apo do të donin që njësoj si në gjithë Ballkanin Perëndimor edhe mes Shqipërisë dhe Kosovës të çelej kufirit për katër liritë e BE-së. Kjo nuk është një “mini-Shengen”, kush e tha këtë fjalën mini. Duke qenë se jam 194 cm nuk jam ndierë ndonjëherë mini. Është Wester Balkan Schengen,” tha Edi Rama duke bërë sikur nuk e kupton që njerëzit që kishte në krah vazhdimisht e theksojnë “Mini Shengen Ballkanik” dhe së fundi dje Aleksandar Vuçiç me takim trepalësh dhe “Marrëveshje trepalëshe”!
Dhe, për të dëshmuar injorancën e tij jo vetëm politike, Edi Rama u tha shqiptarëve jashtë kufijve zyrtare se bashkimi i tyre me Shqipërinë kalon nga Beogradi, duke harruar se këtë “Bashkim Kombëtar” shqiptarët mund ta fitonin që në vitin 1981 pa kriminelët Enver Hoxha e Ramiz Alia, e qa më pak Fatos Nano, Ilir Meta ose Edi Rama. Gjithsesi, ai vazhdoi:
“Për ne nuk është ideja të ndajmë Ballkanin Perëndimor që edhe kështu është i vogël por ideja është që të përfshimë të gjitha vendet e Ballkanit Perëndimor. Është e shkruar dhe miratuar nga të 6 vendet në takimet e një-pasnjëshme por e pa zbatuar. Kjo është nismë për të shtyrë më tej procesin, e cila vjen si vullnet i brendshëm dhe jo si patranazhim nga jashtë. Miqtë tanë evropianë ndryshe nga herë të tjera ishin të ftuar. Nëse kjo shqetëson dikë ky nuk është problem në vetvete i nismës.
Ne u dakordësuam që më 21 dhjetor të zhvillojmë mbledhjen e radhës në Durrës dhe do të jetë edhe përfaqësuesi i ri i Politikës së Jashtme të BE-së, Borrel. Në Durrës, dua që edhe Mali i Zi dhe Bosnjë Hercegovina të përfshihen, dhe Kosova të përfshihet me të drejta të plota dhe si e barabartë në këtë proces.
Dua të jem sa më i qartë me gjithë ata që bëjnë sikur nuk kuptojnë, se është momenti për të thënë:
Së pari, jemi takuar dhe kemi dakordësuar për gjithçka që shkruhet se zeza mbi të bardhë si një plan veprimi mes liderësh të 6 vendeve të Ballkanit Perëndimor në Sofje, në Londër, Paris, Berlin, Bruksel, pra me sa kujtoj nuk më rezulton që Serbia dhe Bosnja e Hercegovina ta kishin njohur Kosovën, por kjo nuk e ka penguar Kosovën që të marrë pjesë.
Së dyti, pas luftës dhe pavarësisë së Kosovës u desh një kohë jo e shkurtër që përfaqësuesit e shtetit të Kosovës të pranoheshin në tavolinë në takime ndërkombëtare nga Serbia dhe Bosnje e Hercegovina. Tani, prej të paktën 5 vjetësh pjesëmarrja e Kosovës nuk është vënë kurrë në diskutim.
Së treti, bashkëpunimi rajonal dhe jetësimi i katër lirive të BE në bashkëpunim me vendet e rajonit, nuk do të thotë që Shqipëria ka ndryshuar qëndrim ndaj Serbisë lidhur me njohjen e Kosovës. Mos zgjidhja ende e kësaj çështje nuk është absolutisht një arsye që Kosova të vetëpërjashtohet. Nuk është një arsye që Kosova dhe Shqipëria të mos mbrojnë interesat e tyre.
Së katërti, një pyetje e thjeshtë do të ndihmonte qytetarët e Kosovës dhe Shqipërisë që kanë kaq vite që heqin të zitë e ullirit në kufi, do të donin të vazhdonin? Apo do të donin që njësoj si në gjithë Ballkanin Perëndimor edhe mes Shqipërisë dhe Kosovës të çelej kufirit për katër liritë e BE-së. Kjo nuk është një “mini-Shengen”. Mua nuk më konvenvon. Është Wester Balkan Schengen.
Së pesti, po produktet bujqësore të Shqipërisë pse duhet të kalben në kufirin me Maqedoninë, apo Serbinë dhe Bosnjë Hercegovinën apo siç kalben edhe në kufi me Kosovën,” tha Edi Rama në krah të Vuçiçit duke e konsideruar vetëpërjashtim mospraninë e liderëve kosovarë ndërsa harron se linjën e interkonjeksionit që ka përfunduar para shumë viteve nuk e lidhë dot më Kosovën, jo pse nuk dëshiron Isa Mustafa apo Ramush Haradinaj, por pikërisht krimineli që kishte në krah, Aleksandar Vuçiç. Dhe jo vetëm kaq!
Deri sot shqiptarët nuk kanë vuajtur të shkojnë në Beograd por në veri të Mitrovicës aty ku sundojnë kriminelët e shefit të tyre, Aleksandar Vuçiç, dhe sot Edi Rama e ofron bashkimin duke u bashkuar me Serbinë.
