“Mini Shengeni”, Basha: Dështimi nuk zëvendsësohet me propagandë anti-evropiane!

Pas deklaratave antikombëtare dhe antiveropiane të Kryeministrit Edi Rama me pëfundimin e takimit trepalësh Vuçiç-Rama-Zaev në Ohër, ka reaguar Kryetari i Partisë Demokratike, Lulzim Basha, duke theksuar se dështimi me integrimin europian nuk mund të zëvendësohet nga propaganda anti-europiane e një autokrati të korruptuar.

Lëvizja e lirë e njerëzve, mallrave, shërbimeve dhe kapitalit është thelbi i integrimit europian dhe Europës së bashkuar, thekson Lulzim Basha përmes rrjetit social Twitter dhe parakushte për lëvizjen e lirë janë demokracia, sundimi i ligjit dhe garantimi i të drejtave dhe lirive themelore të njeriut:

“Dështimi me integrimin europian nuk mund të zëvendësohet nga propaganda anti-europiane e një autokrati të korruptuar, shkaktar i prapambetjes ekonomike dhe varfërimit të qytetarëve shqiptarë. Ka ardhur koha që Shqipëria të nxjerrë në dritë potencialin e saj të vërtetë!”

Ndryshe, sot në Ohër Kryeministri Edi Rama duke arsyetuar këtë turp antikombëtar dhe antiveropian tha se ne jemi lagjja më e varfër e Evropës dhe duam të integrohemi në lagjen e pasur:

“Ato kanë interesat e veta. Është një klub interesash. Ne duhet të vazhdojmë të ngremë mure dhe t’i vëmë mina njëri-tjetrin. Çfarë do presim? Do integrohen personalisht. Do marrin rrugën dhe do shkojnë atje. E vetmja e re këtu është që nuk na ka mbledhur Johannes Hahn. “