Mini Shengeni/ “Haradinaj gënjeshtar dhe Kurti neomarksist”, Vuçiç: U zemërova me Edin, duket se po mbrohemi!

Cilësimet e Edi Ramës ndaj liderëve të Kosovës “gënjeshtar” dhe “neomarksist”, Presidenti i Serbisë, Aleksandar Vuçiç i konsideron si mbrojtje që ai i bënë nismës Mini Shengen por e pranon se ishte trishtuar kur në koncertin bamirës nuk pa shqiptar me bisht por njerëz normal që kanë orkestës simfonike dhe dinë çfarë është edhe muzika klasike.

“U zemërova me mikun tim Edi se duket se po mbrohemi, për cfarë duhet të mbrohemi? Të mbrohemi nga ata që duan të na shohim duke luftuar me njëri-tjetrin, apo të punojmë pranë njëri-tjetrit dhe të kemi të ardhme normale.”

Por i padituri Vuçiç edhe pse Edi Rama nuk e njehë si të tillë edhe pse ky shqiptarët i njeh vetëm me bisht, ishte befasuar mbrëmë në koncert kur pa se shqiptarët njohin edhe muzikën klasike:

“Mbrëmë në koncert u kënaqa, por u ndjeva i trishtuar, e njoha më mirë kulturën shqiptare dhe e falënderoj Ramën që ma dha këtë mundësi. Më thoni një gjë të keqe nga ajo që po bëjmë ne këtu? Nuk marr rolin e padronit se unë mendoj se më e rëndësishme është ajo që mendojnë qytetarët, ç’të keqe ka që Serbia do të jetë në gjendje të ofrojë ndihmën e vet, një shtëpi për 100 familje shqiptare,  do të ushqejmë shumë familje shqiptare, serbe e maqedonase duke krijuar vende pune pse duhet të kemi turp për këtë gjë?

Nuk ka kushte për asnjë të gjithë janë të mirëpritur, ne jemi në rrugën evropiane, ka kaluar 6 vite që nga bisedimet e pranimit, por ne varemi dhe duhet të varemi, ti lutemi zotit dhe pastaj atyre që të hapin dy tre kapituj?”

Dhe më në fund e tha edhe një të vërtetë njeriu që masakrën e Reçakut e quan trillim:

“Nuk dua të poshtëroj as veten e as popullin tim, unë i them popullit ne po e bëjmë punën dhe ju na vlerësoni, por kjo nuk varet më nga ne, por nga ata dhe rrethanat e tyre të brendshme. Le të bëjmë ato që varen nga ne, dhe jo ato që nuk varen nga ne, mënyra se si ne e organizojmë rajonin varet nga ne jo fuqitë e mëdha.”