Mini Shengeni, Josep Borrell nuk merr pjesë në takimin e Tiranës!

Përfaqësuesi i Lartë për Politikë të Jashtme dhe Siguri pranë BE, Josep Borrell, nuk do të marrë pjesë në Samitin e Mini Shengenit Ballkanik i cili zhvillohet në Tiranë.

Këtë e ka konfirmuar Zyra e Shefit të diplomacisë evropiane, Josep Borrell, për Angjencinë serbe të lajmeve “Tanjug”.

Ndërkohë Edi Rama për “Tanjug” është shprehur në Romë se takimi i liderëve të rajonit që zhvillohet nesër në Tiranë, paraqet vazhdimin e iniciativës për vendosjen e të ashtuquajturit “Mini Shengen”.

Duke bërë publik lajmin mbi bojoktimin e këtij takimi në Tiranë nga Borrell, televizioni publik i Serbisë, RTS, rikujton se Kryeministri i Shqipërisë, Edi Rama, kohë më parë ka deklaruar se Përfaqësuesi i Lartë për Politikë të Jashtme dhe Siguri pranë BE, Josep Borrell, do të marrë pjesë në këtë takim.

Ndryshe, Minis Shengeni në Tiranë përveç Përfaqësuesit të Lartë për Politikë të Jashtme dhe Siguri pranë BE, Josep Borrell, është refuzuar edhe nga Kosova.