Mini Shengeni/ Patrioti me çitjane: Unë iniciatori! Kush gënjen Rama apo vëllai i tij Vuçiç!

Pasi “Dha të gjitha që Kishte shteti shqiptar” dhe akuzon ata që “Kapën çka Kapën”, Kryemistri Edi Rama në spektaklin e tij “AntiKÇK” gjeti hapësirë për të folur edhe për projektin e dështuar të Mini Shengenit Ballkanik, i cili përveç se nga Mali i Zi dhe Bosnja, u konsiderua i papranueshëm edhe nga Kombi Shqiptar!

Pikërisht këtu është dhe sikleti i Edi Ramës i cili duke e quajtur veten si iniciator të këtij projekti pavarësisht se kohë më parë autorësinë e sqaroi Presidenti i Serbisë, Aleksandar Vuçiç, akuzoi politikanët shqiptarë të Kosovës që nuk iu bindën duke theksuar se patriot nuk mund të bëhen duke qëndruar me pizhame në shtëpi.

“Kush është kundër Shengenit rajonal, nuk më kupton. Shengeni rajonal është një vizon dhe një këmbëngulje nga ana ime, nga ana jonë, qysh në ditët e para të procesit të Berlinit. Ka qenë i penguar deri para pak muajsh nga presidenti i Serbisë me të cilin kam bërë debate. Nuk mund të bëjmë dot një marrëveshje rajonale mbi tregtinë, nëse nuk bëjmë marrëveshje për lëvizjen e lirë. A do të bashkohen kufiri mes Kosovës dhe Shqipërisë? Kjo kupton heqje të atij trau. Kjo e vendos në pozicionin më të favorshëm Kosovën. Kosova po vet izolohet brenda kufijve,” tha Edi Rama i cili ndonëse nuk sqaroi se pse vendosi një tra në mes të Shqipërisë dhe Kosovës kur angazhohet ta heq atë në mes të Kosovës dhe Serbisë, zbuloi sekretin se si u bë patriot:

“Mund të bësh dhe patriotin me pizhame dhe të rrish në shtëpi. Historia nuk shkruhet duke qëndruar në shtëpi dhe të bësh patriotin me pizhame,” tha Edi Rama duke i dhënë fund kuriozitetit shqiptar dhe jo vetëm, pse iu rikthye çitjaneve të Enver Hoxhës!

Ndryshe, pas 6 vjet qeverisjeje, sot Kryeministri Edi Rama në spektaklin e tij “AntiKÇK” tregoi se cilat janë 7 prioritetet kryesore të Qeverisë së tij që ende nuk është e qartë se kush e drejton:

1.Përshkallëzim i luftës kundër krimit dhe korrupsionit

2.Duke filluar nga 1 janari i vitit të ardhshëm dhe deri në fund 2020 të mbyllen të gjitha sportelet që i shërbejnë qytetarëve dhe shërbimet të bëhen online. Së paku aplikimit, se jo cdo shërbim mund të mbyllet. Në 1 janar do të jenë 40% e shërbimeve që do jepen online. Deri në qershor do të shkojnë 67 % dhe deri në fund të vitit thuajse 100%.

3.Energjia dhe infrastruktura. Kemi një paketë të tërë ndryshimesh dhe investimesh që do të lançohet në javët e ardhshme me disa investime në infrastrukturë dhe energji.

4.Regjimi i ri në vijën bregdetare. E kemi parë që vija bregdetare iu është marrë qytetarëve dhe ka mbetur në dorën e të fortëve. Sikur ta dini sa prokurorë disponojnë të drejta mbi vijën bregdetare është për të vënë duart në kokë.

5.Prioriteti tjetër është mbyllja e procesit të legalizimeve për shtëpitë, jo për bizneset dhe legalizimi i tokës bujqësore.

6.Prioriteti tjetër është transformimi i infrastrukturës në universite. Tirana duhet të ketë infrastrukturën e re universitare që të jetë njësoj si stadiumi. Siç sot kemi stadiumin më të bukur në rajon duhet të kemi edhe kampusin më të bukur në rajon.

7.Shengeni rajonal. Kush është kundër shengenit rajonal nuk kupton asgjë. Shengeni rajonal është një vizion dhe një këmbëngulje nga ana ime qysh në ditën e parë të procesit të Berlinit. Ka qenë i penguar nga presidenti i Serbisë me të cilin unë kam bërë pafundësi debatesh.