Mini Shengeni, Vetëvendosje e pret me protesta kriminelin e luftës, Aleksandar Vuçiç!
“Këtu një kriminel lufte, po vjen të pozojë si bamirës!” Ky është meazhi në hyrje të Hotel Rogner në Tiranë i vendosur nga Lëvizja Vetëvendosje e cila Presidentin e Serbisë, Aleksandër Vuçiç, i cili nesër pritet të mbërrijë në Tiranë e pret me protesta masive.
Kreu i Lëvizjes Vetëvendosje në Tiranë, Enis Sulstarova, e bëri të qartë se Aleksandar Vuçiç është i padëshiruar në kryeqytetin shqiptar ndërsa akuzoi Kryeministrin Edi Rama se po i shërben pastrimit të figurës së tij përballë ndërkombëtarëve.
“Në Shqipëri po bëhen disa aktivitete në formë bamirësie dhe kjo bamirësi është një shpërlarje që i bëhet figurës së tij si kriminel lufte sepse Vuçiç ka qenë ministër në qeverinë e Millosheviçit në 1999 kur janë bërë krime të llahtarshme ndaj shqiptarëve. Serbia asnjëherë nuk ka kërkuar falje për krimet që janë bërë,” tha Sulstarova rikujtuar:
“Janë 20 mijë gra të përdhunura, mbi 10 mijë civilë të vrarë, nga këta 1000 fëmijë. Janë 20 miliardë euro dëme që Serbia i ka shkaktuar Kosovës. Këto borxhe në vend që Serbia t’ia kthejë Kosovës, nesër dhe pasnesër Vuçiç do të udhëtojë nëpër Shqipëri duke u hequr si bamirës, duke u gjendur në këtë periudhë fatkeqësie për kombin shqiptar, duke shfrytëzuar këtë situatë të jashtëzakonshme ai duke marrë rolin e një bamirësi dhe këtë gjë ja lejon kryeministri ynë Edi Rama.”
Presidenti i Serbisë, Aleksamdar Vuçiç, i cili nesër vjen në Tiranë me ftesë të Kryeministriti Edi Rama, në takimin e tretë të Mini Shengenit për Lëvizjen Vetëvendosje, sqaron Sulstarova, është non grata:
“Për këtë arsye ne nesër në 17:30 në lulishten “Qemal Stafa” përballë këtij hoteli do të thërrasim një aksion paqësor protestues për të thënë si qytetarë që Vuçiç është non grata në Shqipëri. Minishengeni është një nismë e dështuar që në nisje. Është një mini-minishengen sepse nga 6 vende vetëm 3 marrin pjesë. Kjo bëhet thjesht për ti lënë mundësi Serbisë për tu shfaqur si aktor paqeje në Ballkan kur Serbia është një aktor konfliktnxitës në Ballkan.”
Ndryshe, pas Novi Sadit dhe Ohrit, nesër Presidenti i Serbisë, Aleksandar Vuçiç vjen në Tiranë së bashku me Kryeministrin e Maqedonisë së Veriut, në përpjekje për të jetësuar ëndrrën e Enver Hoxhës për bashkimin me Serbinë, që Vuçiç si ideatori i kësaj ideje e ka pagëzuar si Mini Shengen Ballkanik,
