Minimumi jetik, Berisha: Sot më shumë po paguhetpër një qen!

Sot bashkitë paguajnë 60 mijë lekë në muaj për një qen dhe 40 mijë lekë për një njeri, tha Kryetari i Partisë Demokratike, Sali Berisha, para Grupit Parlamentar të PD, duke risjell minimumin jetik si problemin kryesor të cilin përveç se e kanë premtuar në fushatë elektorale dhe do ta mbrojnë, minimumi jetik është i sanksionuar me ligj në çdo vend dhe shërben për zhdukjen e varfërisë ekstreme.

“Problem kryesor ne kemi minimumin jetik. Unë e kuptoj që këta nuk e pranojnë se janë me kompleksin e mohimit dhe pashpirtësisë.

Të refuzosh minimumin jetik, tregon se së paku nuk ta ndjen për ta, por ata janë shumë.

Ju e keni konstatuar, të gjitha statistikat tregojnë se varfëria është rritur dhe është përgjysmuar ndihma ekonomike.

Kanë qenë 120 mijë familje në vitin 2013 dhe studimi tregonte se duhej të ishin edhe 180 mijë, pra duheshin të shtoheshin 60 mijë të tjera.

Këta i kanë përgjysmuar dhe arrin puna që sot bashkitë paguajnë më shumë për një qen, paguajnë 60 mijë lekë për një qen dhe paguajnë 40 mijë lekë për një njeri.

Ne duhet ta mbrojmë me forcë çështjen e minimumit jetik. Një çështje që jep impakt të menjëhershëm.

Nuk duhet të ketë shqiptar që të mos ketë 200 euro në muaj.

Kjo është një goditje e fortë e mjerimit, por edhe e varfërisë.

Përfitojnë 1.3 milionë deri në 1.5 milionë shqiptarë.

Ne do e mbrojmë këtë, e kemi premtuar gjatë fushatës elektorale.

Por minimumi jetik është i sanksionuar me ligj në çdo vend. Kjo është arsyeja pse varfëria ekstreme nuk ekziston më, është e zhdukur.

Sepse japin minimumin jetik, që njerëzit të mos bien në humnerë.”

Çështje e pamashangshme në këtë mbledhje të Grupit Parlamentar ishte skandali i Safet Gjicit të cilin Kryetari i Partisë Demokratike e cilësoi si fytyra e regjimit ndërsa shtoi se duhet të bëjmë gjithçka për të aktivizuar më shumë nervin e protestës

“Rasti tjetër, ai i Kukësit është fytyra e vërtetë e këtij regjimi, është dëshmia e sundimit të të gjitha formave të korrupsionit, përfshi korrupsionin erotik.

Është një dëshmi flagrante e një regjimi të kalbur, që ka humbur prej kohësh të drejtën për të qeverisur.
Sa të jetë, vetëm skandale do kemi.

“Duhet të bëjmë gjithçka për të aktivizuar më shumë nervin e protestës antiqeveritare.

Ky regjim përveç protestës, nuk njeh gjuhë tjetër. Duhet ta kemi shumë të qartë dhe duhet të qartësojmë te zgjedhësit.”