“Ministër” Sandër Lleshi/ Përgjigje Ramës, Meta: Amatorët dhe diletantët ta lexojnë Kushtetutën, akt formal…

Ilir Meta u bëri thirrje amatorëve ta lexojnë Kushtetutën për të kuptuar rolin dhe kompetencat që ka Presidenti ndërkohë i pyetur pas pjesëmrajes në Forumin “Tirana Connectivity” nëse ka ndonjë arsye konkrete për mosdekrtetimin e Sandër Llleshit, Presidenti Meta kërkoj që ta lenë të bëj detyrën e tij:

“Përsa i takon anës ligjore padashur të jap leksione për Kushtetutën, por të gjithë amatorët, diletantët apo atyre që janë të njëanshëm, do t’i ftoja edhe një herë të lexojnë Kushtetutën, kompetencat e Presidentit dhe se akt formal apo ceremonial është vetëm betimi te Presidenti.

Dhe të gjithë atyre, që mendojnë se dekretimi nuk është një akt substancial dhe individual, por formal dhe se Presidenti ka detyrë vetëm të firmosë një propozim në këtë rast, pasi në Kushtetutë nuk thuhet në mënyrë eksplicite që Presidenti mund të kthejë mbrapsht një propozim, kam një pyetje tjetër: A mundet Parlamenti të rrëzojë dekretin e Presidentit për një ministër? Sepse edhe kjo nuk është e shprehur në mënyrë eksplicite në Kushtetutën e Republikës së Shqipërisë. Kështu që, më lini të bëj detyrën time me përgjegjshmëri të plotë, si gjithmonë,“ u shpreh Meta.

Ndryshe, mbrëmë në një emision televiziv, kryeministri Edi Rama u shpreh se do të presë afatin 7 ditorë dhe do të kërkojë sërish nga kreu i shtetit të dekretojë Sandër Lleshin si ministër të Brendshëm.