Ministri e çmendur/ Alizoti akuzon Drejtorin, përgjigjet Policia: Me përgjegjësi publike deklarojmë…
Dëshmia e Alfred Alizotit mbi implikimin e Drejtorit të Përgjithshëm të Policisë në çështjen “Babale” ndonëse ka tonditur mbrëmë opinionin pasi u bë publike, me reagimin e sotëm të Policisë së Shtetit, atë e bënë të pashpresë.
Derisa Alizoti akuzon Drejtorin e Përgjithshëm të Policisë, Ardi Veliu d he ky i fundit nuk dënjon të jap dorëheqje, për fat të keq nuk zgjedhë as rrugën e sqarimit por këtë atribut ia jep Policisë së Shtetit, e cila për asnjë moment nuk është auzuar nga Alfred Alizoti por vetëm individi Ardi Veliu me makinën e tij me targa të Ministris së Brendshme, MB.
Deklarata e lëshuar nga Policia e Shtetit, jo vetëm që e konfirmon kriminalitetin që ka pushtuar Ministrinë e Brendshme por shton dozën e dyshimit për çmendurin e vetëbesimit që ka arritë nivelin në këtë ministri, se vërtetë i gjithë populli shqiptar e mbështetë krimin!
“Me përgjegjësi publike deklarojmë se Drejtori i Përgjithshëm i Policisë së Shtetit në asnjë rast nuk është përfshirë në veprime procedurale në lidhje me hetimin e çështjes të ashtu-njohur publikisht si çështja ‘Babale’,” thekson deklarata e Policisë së Shtetit përkundër faktit se pas videopërgjimit të Alizotit. “përgjegjësi publike” i kërkohet vetëm Drejtorit të Përgjithshëm të Policisë, i cili në këtë rast, për fatin e keq të qytetarëve që jetojnë në këtë vend, kanë për Drejtor edhe këtë njeri.
Ja deklarata e Policisë së Shtetit:
Drejtori i Përgjithshëm i Policisë së Shtetit nuk ka qenë për asnjë rast, në asnjë rrethanë dhe në asnjë cilësi shoqërues, kontaktues apo në çdo formë tjetër i shtetasit Alfred Alizoti.
Atë që ky i fundit deklaron në një video të regjistruar në mënyrë të fshehtë dhe e prezantuar publikisht nga deputeti Salianji, është fund e krye E PAVËRTETË.
Për këdo të interesuar është lehtësisht i verifikueshëm fakti se Drejtori i Përgjithshëm në ditën që shtetasi Alizoti është shoqëruar në Prokurorinë e Krimeve të Rënda, ka qenë me angazhime të tjera.
Me përgjegjësi publike deklarojmë se Drejtori i Përgjithshëm i Policisë së Shtetit në asnjë rast nuk është përfshirë në veprime procedurale në lidhje me hetimin e çështjes të ashtu-njohur publikisht si çështja “Babale”.
Edhe nëse kjo mund të kishte ndodhur, ajo nuk do të përbënte asnjë shkelje ligjore për sa kohe do të ishte në zbatim të urdhërimeve të prokurorisë, ose gjykatës.
Me këtë rast bëjmë me dije publikisht se në lidhje me çështjen hetimore të sipërcituar Policia e Shtetit nuk ka kryer asnjë veprim procedural me iniciative të vetë, por në çdo rast ka vepruar kur ka patur urdhërime të prokurorisë, ose të gjykatës.
Në këtë kuadër edhe shoqërimi i shtetasit Alizoti është bërë në zbatim të urdhrit të prokurorit të çështjes. Ky veprim procedural është bërë nga Drejtoria Vendore e Policisë Fier.
Jemi të hapur që prokuroria ta hetojë edhe këtë aspekt në detaje në kuadrin e procesit hetimor që ajo po kryen për këtë çështje
