Ministri serb i Mbrojtjes kërcënon: Nëse merr urdhër nga Vuçiç, Ushtria e Serbisë hyn në Kosovë!

Në mungesë të një qëndrimi të qartë ndërkombëtar kundër shtetit kriminal serb edhe kur Prishtina zyrtare dëshmoi me fakte për planet serbe në aneksimin e veriut të Kosovës, sot Beogradi zyrtar u hodhë në sulm madje përmes Ministrit serb të Mbrojtjes, Milosh Vuçeviç edhe duke kërcënuar hapur për agresion ndaj Kosovës.

Në një konferencë të përbashkët për me kreun e ushtrisë, Gjeneralin Milan Mojsiloviç, ndërsa u mundua t’i përgënejstroj provat e ministrit të Punëve të Brendshme, Xhelal Sveçla për përgatitjet e grupit terrorist në krye me kriminelin Milan Radojiçiç në kampet e Ushtrisë së Serbisë, ai dëshmoi qartë se ishin dhe janë gati për luftë.

“Nëse Ushtria e Serbisë merr një urdhër të tillë nga Presidenti i Republikës si Komandant Suprem, që njësitë e saj të hyjnë në territorin e Kosovës, Ushtria e Serbisë një detyrë të tillë do ta ekzekutojë në mënyrë efikase, profesionale dhe të suksesshme,” tha ministri serb i Mbrojtjes duke shtuar se para këtij hapi do ta paralajmëronin paraprakisht Komandën e KFOR-it dhe se “asgjë nuk do të bënin prapa shpinës”, derisa ka e zbuti këtë kërcënim me togëfjalëshin e përdorur edhe nga Milosheviçi në vitet ’90 para çdo masakre, se Serbia “do të bëjë çmos që një gjë e tillë të mos ndodh”.

Duke gënjyer dhe opinionin serb përveç atij ndërkombëtar, ky mashtrues në detyrë ministër i Vuçiçit, tha se deri më tani Ushtria e Serbisë asnjëherë nuk e ka shkelur Marrëveshjen e Kumanovës dhe se e ka respektuar Rezolutën 1244 të OKB-së.

Sa i përket sulmit terrorist në Banjskë ndaj Policisë së Kosovës ku u vra rreshteri Afrim Bunjaku, ministri serb i Mbrojtjes tha se autoritetet në Beograd merren vetëm me fakte, derisa në këtë kontekst tha se bashkëpunimi i Ushtrisë së Serbisë dhe KFOR-it është korrekt ndërsa përsëriti kërkesën e Aleksandar Vuçiç dhe Edi Ramës se do të ishte e dobishme që në mjediset ku jetojnë serbët në Kosovë, të ketë prani më të madhe të KFOR-it.