Ministrja e Ramës ve kushte për intervistë: Mos më pyet për…

Gazetarja e Deutsche Welle, Anila Shuka, me një postim në Facebook, ka shkruar për reagimin e fundit që ka marrë nga ministrja e Drejtësisë Etilda Gjonaj, pas një kërkese për intervistë.

Shuka shkruan se ministrja e drejtësisë i kishte vendosur kushte që gjatë intervistës, të mos e pyeste për Fatmir Xhafaj dhe Saimir Tahirin.

Ja çfarë shkruan gazetarja Anila Shuka

Sa e besueshme është reforma e gjyqësorit në Shqipëri, pra Vettingu, po të kemi parasysh rastet tejet të çuditshme të Fatmir Xhafajt dhe Saimir Tahirit?

Këtë pyetje doja t’ia shtroja ministres së Drejtësisë, në një intervistë që kishim lënë për dje pasdite.
Për fat të keq, ministrja paskësh pasur përfytyrime të tjera për intervistën, dhe tha se mund të jepte intervistë vetëm nëse nuk do ta pyesja për dy personat ne fjalë.

Do të ishte shkelje e etikës gazetareske ta pranoja këtë kusht.