Miratimi i fiskalizimit, Tabaku: Shqipëria ka nevojë për vlerësimin e situatës, jo për spektakël!

Pa kaluar as java nga tragjedia e 51 jetëve të humbura, qeveria ka firmosur me votën e deputetëve të mazhorancës “fiskalizimin”, veprim ky pas të cilit Ish-Deputetja e Partisë Demokratike, Jorida Tabaku, reagon duke theksuar se Shqipëria ka nevojë për një vlerësim real të situatës së ndërtesave dhe jo spektakli që fsheh ligje të tilla.

“A duhej votuar ligji fiskalizimit pa u mbushur 7 ditë nga rënia termetit?! Pasi i dhuroi një kompanie kroate 16 mln euro koncesion të paracaktuar, kjo qeveri do t’i detyrojë bizneset e më pas qytetarët të paguajnë kosto shtesë për këtë program,” thekson Jorida Tabaku duke shtuar se janë 132.400 lekë shtesë që do paguajnë bizneset që vitin e parë për këtë ligj të miratuar, kosto e cila pa dyshim që do u shkojë qyrtarëve në xhepa përmes çmimeve të rritura.

“Sipas një përllogaritje të saktë dhe të thjeshtë për një biznes i cili ka 6 punonjës në kasë do t’i duhet minimalisht 6 firma te tjera dixhitale shtese në vit për çdo vit duke e rritur koston vjetore te këtij biznesi me 43.800 lekë (rreth 400 euro) që do të thotë një kosto që do t’i shtohet totalit të kostove të paraqitura më lartë.”

As një javë nga tragjedia që zbuloi fytyrën e vërtetë të shtetit, qeveria vazhdon avazin e vjetër. Tenderon, koncesionon, kalon ligje me taksa të larta dhe në fund i vjedh ato, thekson Ish-Deputetja e Partisë Demokratike, Jorida Tabaku, për qeverinë e cila lë pas vetëm videot e shëmtuara propagandistike.

“Shqipëria ka nevojë për të alokuar fonde nga buxheti dhe kontratat e hajdutërisë PPP në ndërtimin e vendit. Ka nevojë për një vlerësim real të situatës së ndërtesave dhe jo spektakli që fsheh ligje të tilla.”

Ndryshe, në kulmin e gjendjes së emergjencës kombëtare të krijuar nga tërmeti i datës 26 Nëntor, Komisioni Ekonomisë miratoi sot Projektligjin për fiskalizimin