Miratohen Formularët e rezultateve të kandidatëve, s’janë emrat e pa certifikuar

Komisioni Qendror i Zgjedhjeve i Kosovës ka aprovuar sot formularët e rezultateve të kandidatëve, ku nuk është lënë hapësirë për kandidatët e pa certifikuar.

Këtë e kanë kundërshtuar anëtarët e Lëvizjes Vetëvendosje në KQZ të cilët kanë thënë se po bëhet qëllimshëm që të dëmtohet LVV.

Sami Kurteshi nga Lëvizja Vetëvendosje tha se po ju pengon emri i Albin Kurtit.

“Është emri i Albin Kurtit që po ju pengon. Është frika dhe urrejtja ndaj një subjekti dhe ndaj një lideri,” tha Kurteshi.

Kryetarja e Komisionit Qendror të Zgjedhjeve, Valdete Daka, tha se anëtarët e Lëvizjes Vetëvendosje po bëjnë fushatë zgjedhore në këtë mbledhje të KQZ-së.

“Asnjëherë më shumë KQZ nuk ka qenë i politizuar”, tha ajo.