Miratohen ndryshimet e Kodit Zgjedhor, listat e hapura bërtasin, votat e diasporës do bëjnë kërdinë!
Reformë Zgjedhore refuzoi Edi Rama ndërsa në seancën e sotme plenare të parlamentit, me 106 vota për dhe 2 kundër u miratuan disa ndryshime të Kodit Zgjedhor që impianti propagandistik i Kryeministrit i serviri opinionit publik si dështim i Partisë Demokratike të Sali Berishës që nuk arriti ti hap listat!
Përfaqësuesi i PD, Oerd Bylykbashi, u mundua për ditë të sqaroi se nuk bëhet fjalë për Reformë Zgjedhore sepse u refuzua nga Edi Rama dhe se për bazë ishte vendimi i Gjykatës Kushtetuese për hapjen e 2/3 të listave dhe 1/3 do të jenë mbyllura, por, se diaspora do të ketë të drejtën e votimit, por, në mungesë të mbështetjes mediatike që vazhdon të jetë në shërbim të Edi Ramës, bindën një numër të kondierueshëm të demokratëve se zgjedhjet fitohen me listat e hapura!
Në asnjërën nga analizat nuk u konsiderua 2/3 e listave të hapura si PD fituese por vetëm si humbëse, madje as nga zotni Lafsha që e shkatërroi Partinë Demokratike, ndërsa rrugë të hapur i mbetet Komisionit të Rithemelimit të zgjidhë këtë ngërç pas vulës që dha Gjykata e Apelit, edhe me PRIMARE!
Gjithsesi, në situatën e krijuar, një gjë është e sigurt, si listat e hapura ashtu dhe listat e mbyllura nuk do të jenë ato që do të përcaktojnë fituesin në zgjedhjet e vitit 2025! Ashtu siç është e sigurt se çakalli i këtyre zgjedhjeve, votat e diasporës, do bëjnë kërdinë dhe as që do të diskutohen 40 mijë votat që përcaktuan fituesin në vitin 2021, pavarësisht teknikalitetet që promovuan dy negociatorët e ndryshimeve të Kodit Zgjedhor, Oerd Bylykbashi dhe Damian Gjiknuri!
Ndryshe, përkundër diskutimeve boshe politike Projektligji “Për disa shtesa dhe ndryshime në ligjin nr. 0019, datë 29.12.2008 “Kodi zgjedhor i Republikës së Shqipërisë”, i ndryshuar” ishte nismë e një Grupi të Partisë Demokratike i sigluar nga deputeti Oerd Bylykbashi i cili zhvilloi negociatat me socialistin Damian Gjiknuri.
Në këtë seancë plenare, Kryetarja e Parlamentit, Lindita Nikolla, bëri të ditur se jep dorëheqje për arsye shëndetësore.
