Miratohen ndryshimet në Kodin Penal, 18 orë debate nuk dhanë as 18 argumente pse preket Kodi!

Me 85 vota për dhe 9 kundër, Parlamenti i Shqipërisë miratoi ndryshimet në Kodin Penal pas një seance maratonë që zgjati rreth 18 orë dhe nuk u ofruan as 18 argumente logjike pse preket ky Kod.

Kjo situatë nuk mund të jetë edhe ndryshe kur ministër i Drejtësisë është një injorant si Besfort Lamallari, dhe kryetari i Grupit Parlamentar i partisë nga vjen ky ministër është Taulant Balla, i cili edhe dekriminalizimin e shpifjes e konsideron qokë për Sali Berishën, ndonëse vendi ku është shkolluar, Rumania, nuk ka Sali dhe ka 12 vjet që e ka dekriminalizuar, dhe është Kodi Civil që e trajton shpifjen me shumë sukses deri në rrjetet sociale!

“Ndryshimet e miratuar me 85 vota shënojnë një avancim tjetër në përpjekjen tonë të përbashkët për forcimin e shtetit të së drejtës, adresimin e shqetësimeve që lidhen me sigurinë publike, kontrollin e territorit, pastrimin e parave, trafikimin e qënieve njerëzore, terrorizmit etj.

Veç kësaj, përmbushim gjithashtu detyrimet që rrjedhin nga procesi i integrimit për në BE, përmes përafrimit të 7 akteve kyçe të Acquis communautaire.

Sfida e madhe që kemi tani përpara është projekti për një Kod të ri Penal, për të cilin është bërë një punë e shkëlqyer me transparencë e gjithëpërfshirje dhe procesi vijon për të mbledhur kontributet më të mira e për të bërë reflektimet e duhura,” tha ministri i Drejtësisë, Besfort Lamallari, pa e kuptuar se për çfarë po flet, ashtu siç vepronte në studion e Fevoz si Zv/Ministër i Brendshëm.

Kërkesën e deputetes Jorida Tabaku, që shpifja të dekriminalizohet si vepër penale tërësisht dhe për të gjithë, jo vetëm për gazetarët, kreu i Grupit Parlamentar të Partisë Socialiste, Taulant Balla, e cilësoi si një qokë të deputetes demokrate ndaj kryetarit të partisë së saj, Sali Berishës.

“Ju, zonja Tabaku, më ftoni që të votoj një ligj që amniston kryetarin e partisë tuaj, ti do t’i bësh një qokë kryetarit të bashkisë. Për gazetarët, padyshim që i kemi përjashtuar,” tha Taulant Balla duke mos sqaruar pse të gjitha ato shtete të Evropës e kanë dekriminalizuar shpifjen dhe nuk kanë as Sali as Joridë, duke pëfshirë edhe shtetin e dashur të Taulantit, Rumaninë.

Gjithësesi, mosvotimi i nismës së Jorida Tabakut nga deputetët e Edi Ramës, 82 kundër, nuk është ndonjë çudi kur vjen nga një parti e ngritur në shpifje dhe pa pasoja për 80 vjet, përderisa vazhdon të ketë nën kontroll sistemin e drejtësisë dhe nuk kënaqet kur opozitarët i dënon me gjobë por i don në burg, dhe, mundësisht, me dënim që ti largoj nga politika!

Kënaqësi të paimagjinueshme që ndjeu në rastin e votimit të Aktit normativ nr. 11, datë 19.12.2025 “Për disa ndryshime dhe shtesa në ligjin nr. 115/2024, “Për buxhetin e vitit 2025”, të ndryshuar, i cili në pikëpyetje nuk kishte deputetë opozitarë por socialistin e vetëm që për parimet e tij edhe poshtërohet nga partia, Erion Braçe!

Pse ky Akt Normativ pas amendamentit të rrëzuar me të njejtin ide të deputetit Braçe, pak rëndësi ka, kjo mazhorancë është e qartë që 80 vjet prej se u krijua, partia edhe të vret!

Miratimi i 12 Projektligjeve të tjera nuk ka kurrëfarë rëndësie në shtetin e Edi Ramës, me një mazhorancë nuk e ka as njohurin elementare sikur kur voton Projektligjin “Për disa ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë”, të ndryshuar, ashtu dhe Projektligjin “Për disa shtesa dhe ndryshime në ligjin nr. 8891, datë 02.05.2002 “Për organizimin dhe funksionimin e Komisioneve Hetimore të Kuvendit”, sepse janë të bindur se gjithmonë do të jenë mazhorancë, dhe do të jenë ata që do të vendosin si për të ardhmen e Prokurorëve dhe Gjyqtarëve ashtu dhe Komisionet Hetimore, vendimmarrje që nuk e ka asnjë Parlament i familjes ku Edi Rama mendon ta anëtarësoj Shqipërinë e Besfortit dhe Taulantit, BE!