Miratohet bonusi i fundvitit, Qeveria: Shpërblim për 275 mijë familje në nevojë

Me vendim qeverie do të shpërndahen 15 mijë lekë shpërblim për festat e fundvitit për familjet dhe individët që përfitojnë nga skema sociale. Lajmin e ka bërë të ditur Ministrja e Shëndetësisë, Albana Koçiu, duke saktësuar se janë 275 mijë familje dhe individë që përfitojnë nga skemat e programit social.

“Me vendim të fundit u akordohet një shpërblim për festat e fundvitit për 275 mijë familje dhe individë që përfitojnë nga skemat e programit sociale. Janë pikërisht 15 mijë lekë që i akordohen familjeve në nevojë që përfitojnë nga skema e ndihmës ekonomike fëmijët pa kujdes prindëror, invalidë, ata që kanë statusin e të verbrit,” tha Ministrja e Shëndetësisë, Albana Koçiu, ndërsa kishte një lajm të mirë edhe për ata që marrin këtë shpërblim për herë të parë:

“Dhe, ajo që është e rëndësishme për herë të parë këtë vit marrin shpërblim fundviti edhe ndihmësit e kujdestarët e personave me aftësi të kufizuara.”