Miratohet kërkesa e deputetëve serbë, Gjykata Kushtetuese: Masë të përkohshme Parlamentit!
Gjykata Kushtetuese e Kosovës ka vendosur masën e përkohshme në rastin nr. KO265/25, duke ndaluar çdo veprim të deputetëve të zgjedhur të Parlamentit të Kosovës dhe çdo procedurë për formimin e Qeverisë deri më 30 shtator 2025.
Ky vendim u mor në bazë të kërkesës së dorëzuar nga 10 deputetë të Parlamentit, me përfaqësues Igor Simiç, të cilët kërkuan vlerësimin e kushtetutshmërisë së procesverbaleve të seancave të Parlamentit të mbajtura më 26 dhe 28 gusht 2025, si dhe vendimeve të nxjerra në këto seanca.
“Masa hyn në fuqi më 5 shtator 2025 dhe zgjat deri më 30 shtator 2025. Vendimi do të publikohet në Gazetën Zyrtare dhe do t’u kumtohet palëve,” thuhet në vendimin e Gjykatës Kushtetuese.
Ndryshe, vendimi i Gjyaktës Kushtetuese të Kosovës për caktimin e masës së përkohshme që ndalon çdo veprim të deputetëve dhe çdo procedurë për formimin e Qeverisë u mor nga kryetari Nexhmi Rexhepi dhe anëtarët Safet Hoxha, Bajram Latifi, Radomir Laban, Remzije Istefi-Peci, Enver Peci dhe Jeton Bytyqi.
