Miratohet Raporti për Dialogun Kosovë-Serbi, Vuçiç: Luftë deri në fitoren përfundimtare!
Me 148 vota për dhe 57 kundër, Parlamenti i Serbisë miratoi pas 25 orë debatesh Raportin për dialogun Kosovë-Serbi nga 15 qershori 2021 deri më 1 shtator 2022 të cili e prezantoi Presidenti i Serbisë, Aleksandar Vuçiç, i cili në fund premtoi luftë deri në çlirimin e Kosovës!
Mendimet e opozitës u shpërfillën edhe kur u kërkua diskutimi pë procedurë ndërkohë Vuçiç kishte të drejtën të flas çdo lloj broçkulle si për OKB, Procesin e Berlinit dhe meritat e tij për “shpëtimin” e Kosovës.
Në momentin kur foli për bisedën që Macron, Scholz dhe Michel kishin zhvilluar me Putinin, dhe ai ishte informuar se Presidenti i Rusisë kishte tërhequr argumentin e “rrëmbimit të Kosovës nga Serbia” u krijua ideja se Vuçiç do të flas edhe për zgjidhjen përfundimtare por gjithçka vazhdoi me patriotizëm për të përfunduar me kërcënim dhe luftë.
“Pres iniciativa të ndryshme me rastin e Porcesit të Berlinit. Javët e ardhshme do jenë të vështira dhe serioz për ne. Nuk e di nëse keni parë raportet nga Armenia dhe Kirgistani. Mjafton të dëgjohet kryeministri belg se do të bie ekonomia evropiane. Nëse ajo bie, mund të imagjinohet se si do të jetë ajo e jona,” vazhdoi dhe vazhdoi Aleksandar Vuçiç duke folur mbi errësirën që i pret serbët ndërsa shtoi se për këtë do të flas pasi të kthehet nga Asambleja e Përgjithshme e OKB në New York
“Do të kem 22 takime dypalëshe me shefat e shteteve dhe qeverive, ditë të vështira janë para neve, dhe fatkeqësisht aktorët politik nuk e kanë kuptuar mirë, dhe as skena jonë shoqërore. Të gjithë e shohin pjesën e tyre, dhe pak prej tyre u intereson shteti. I kam lutur që zhurma nuk na duhet, nuk doli në opinion por askush nuk lëshoi pe me qëndrimin e tij. Të gjithë e kanë më të lehtë që shteti të ketë faj,” tha Vuçiç ndërsa po përfundonte ora e 25-të e debatit dhe ai nuk mori mbështetjen e opozitës për asgjë, pra, as për Kosovën, edhe kur i paralajmëroi se rusët po presin një Jaltë të re ndërsa të tjerët nuk e duan dhe plani i Evropës është që Serbia të pranoj anëtarësimin e Kosovës në OKB ndërsa iu drejtua:
“Gjendemi në mes të çekiçit dhe patkoit!”
Por, përveç opozitës edhe nga radhët e partisë së Vuçiçit, pavarësisht se çfarë propagandon ai dhe Edi Rama mbi sovranitetet e shteteve, ka deputetë që kanë pretendime territoriale ndaj Kroacisë.
“Jam dakord me qëndrimin e opozitës se Kosova e Metohia është tokë e shenjtë serbe, por këtë duhet ta thonë edhe për Sllavoninë dhe Dalmacinë për shkak të manastireve serbe që ndodhen atje,” u shpreh qartë deputeti i SNS, Aleksandar Martinoviç duke marrë si shembull manastirin Krka të cilin e ka ndërtuar motra e Car Dushanit, Jelena Shubiç, por Vuçiç nxitoi për ta korrigjuar deputetin e vetë që të mos e dëgjoj Edi Rama që i bënë gjitha atë avokati në Perëndim:
“Martinoviç nuk mendoi se këto territore duhet ti takojnë Serbisë”.
Se çfarë tha deputeti Aleksandar Martinoviç e dëgjuan të gjithë ashtu siç e dëgjuan Presidentin e Serbisë, Aleksandar Vuçiç, të cilit nuk po i mbaron lufta që i del nga goja:
“Nuk ka shkop magjik dhe zgjidhje të lehta, por neve na ngelet të luftojmë me politikë të mençur, racionale dhe serioze. Luftë, luftë deri në fitoren përfundimtar. Rroftë Serbia! Rroftë Kosova e Metohia!”
