Miratohet vendimi i Qeverisë për shpalljen e gjendjes emergjente
Me 57 vota për, asnjë kundër dhe 17 abstenime deputetët e Parlamentit të Kosovës kanë miratuar vendimin e Qeverisë për shpalljen e gjendjes emergjente për furnizimin me energji elektrike e cila do të vlejë 60 ditë.
Sipas dokumentit të publikuar nga Zyra e Kryeministrit, masat emergjente në furnizim me energji përfshijnë vendosjen e kufizimeve në furnizim me energji për konsumatorët dhe vendosjen e obligimeve të veçanta për ndërmarrjet e energjisë.
Përmes këtij vendimi është vendosur edhe për themelimin e Komitetit Teknik Emergjent në kuadër të Ministrisë së Ekonomisë – ky Komitet do të përbëhet nga një përfaqësues i Ministrisë së Ekonomisë, një nga ZRRE, një nga KOSTT, një nga KEK-u, një nga KEDS, një nga KESCO, një nga Ministria e Industrisë, Ndërmarrësisë dhe Tregtisë, një përfaqësuese nga MPB-ja, një nga Komisioni për Miniera dhe Minerale dhe një anëtarë nga Autoriteti Kosovar i Konkurrencës.
Ministrja e Ekonomisë, Artane Rizvanolli sqaroi se miratimi i këtij vendimi, nuk do të thotë se masat do të vendosen menjëherë.
“Një shpallje e tillë nuk do të thotë marrja e masave të menjëhershme, por do të thotë marrje e masave për furnizim për konsumatorët. Miratimi i këtij vendimi do të thotë zbatim i menjëhershëm i masave. Propozimi i kësaj do të thotë vendosja e masave na afat për 60 ditë nga hyrja në fuqi, mirëpo Kuvendi mund ta vazhdoj këtë situatë,” tha Rizvanolli duke përfunduar:
“Miratimi i këtij vendimi, nuk do të thotë se masat do të vendosen menjëherë, por ia jep të drejtën Qeverisë të ndërmarr masa sipas nevojës, andaj ju ftoj ta miratoni këtë vendim.”
Ndërkohë Parlamenti i Kosovës edhe sot ka dështuar të miratojë marrëveshjet ndërkombëtare. Për ratifikimin e Memorandumit të mirëkuptimit mes Ministrisë së Arsimit dhe Shteteve të Bashkuara të Amerikës, SHBA, për programin e shkëmbimit akademik Fulbright nuk ishin dakord PDK, LDK dhe Lista Srpska të cilat abstenuam ndërsa votuan për LVV dhe AAK por që nuk mjaftoi. Me dështishin e marrëveshjes së parë ndërkombëtare, Kryetari i Parlamentit vendosi të mos i hedh në votim fare edhe katër marrëveshjet e tjera ndërkombëtare.
