Mirë se vjen Diktaturë!
nga Agim Popoci
Arsye kryesore pse Mbreti Zog kishte sukses në shtetndërtim ishte opozita e fortë intelektuale, kohë kur ishte turp të ishe i marrë, sikur të ishe edhe me çitjane!
Enver Hoxha e kishte këtë parasysh, erdhi, nuk pyeti njeri, vrau opozitën dhe gjithë intelektualët shqipfolës, veshi çitjanet dhe instaloi diktaturën. Pas 45 vjetësh diktatura e rrëzoi diktaturën shqiptare dhe kjo është e gjithë e vërteta!
Duke respektuar pikë për pikë projektin e Enver Hoxhës, vjen një tjetër burrë me çitjane dhe e instalon diktaturën.
Kur i mbushi burgjet, kur terrorizoi gjithë kombin shqiptarë, kur përballja me kriminelët e tij u konsiderua rrezik për kombin dhe shtetin, doli dhe dielli i 30 Qershorit 2019 me një mirëseardhje të frikshme!
Pa komb sepse e ndau në NE dhe ATA, pa opozitë sepse opozitarët u dergjën në burgje dhe u ngopën dru, pa intelektualë sepse ruajnë vendet e tyre të punës, me të marrë duke e rikthyer marrëzinë si vlerë, sot Edi Rama filloi një rrugëtim të ri; Ndonëse e konsideron fitore pse nuk arriti ta ndaloj opozita, ky rrugëtim ka një fund të rrezikshëm si për kombin ashtu edhe shtetin shqiptar.
Njëri ndër viktimat e diktaturës komuniste, Aleksandar Solzhenjicin, thotë se dhuna mund të mbulohet vetëm me gënjeshtra, e gënjeshtra mund të qëndroj vetëm me dhunë.
Kur nuk do të ketë më kë të dhunoj nga ATA, siç i quan Edi Rama, dhe kur do të filloi të dhunoj ata që i quan NE, do të jetë vonë si për kombin ashtu edhe për shtetin shqiptar.
Prandaj, kombi dhe shteti shqiptar është dashur ta mendojnë mirë para se ti hapin dyert tiranit me çitjena që i gënjeu dhe i dhunoi. Mund të jetë për inat të Ilir Metës apo Lulzim Basha, pak rëndësi ka, por dyert iu hapën diktatorit të një kombi i cili që nga viti 2000 nuk ofroi asgjë më shumë për shqiptarët se sa gënjeshtra dhe dhunë.
Sot është vonë! Nuk dihet se sa do të jetë jetëgjatësia e kësaj diktature por është e sigurt se gjeneratat e ardhshme nuk do ta gjykojnë Edi Ramën për katastrofën që i shkaktoi kombit dhe shtetit shqiptar, sepse kur ta lexojnë CV-në e kësaj diktature, do të kenë vetëm një konkluzion:
Sa i marrë paska qenë populli shqiptar, që këtij injoranti me çitjena dhe filxhan në dorë, i cili për 19 vjet i gënjeu dhe i dhunoi, i hapën derën duke i thënë:
Mirë se vjen Diktaturë!
