Mirëmëngjesi Tërmettt…
20:25 – EMSC raporton për një tërmet me magnitudë 3.2 të shkallës Rihter dhe thellësi 10 km, 30 km afër Durrësit dhe 52 km nga Tirana.
17:43 – EMSC raporton për një tërmet me magnitudë 3.7 të shkallës Rihter dhe thellësi 10 km, 6 km afër Shijakut dhe 22 km nga Tirana.
09:26 – EMSC raporton se Shqipëria është goditur nga një tërmet i fortë me magnitudë 4.3 dhe thellësi 10 km, vetëm 10 km nga Vora dhe 25 km nga Tirana.
08:43 – Qendra Mesdhetare Sizmologjike, EMSC, raporton se ka ra një tërmet me magnitudë 3.2 të shkallës Rihter me thellësi 10 km,17 km nga Durrësi dhe 43 km nga Tirana.
Nata ishte paksa e qetë me nëntë goditje të vogëla me magnitud nga 2-2.5 shkallës Rihter ndërkohë Qendra Mesdhetare Sizmologjike, EMSC, ka regjistruar në orën 2:58 një tërmet me magnitudë 3.0 të shkallës Rihter dhe thellësi 8 km, 13 km nga Lezha dhe 44 km nga Tirana.
Në Dramën nëpër të cilën po jeton këto ditë kombi shqiptar, po hapim rubrikën “Mirëmëngjesi tërmettt…” duke e pritur këtë fatkeqësi natyrore, jo që është e ngjashme me dramën biografike të Barry Levinsonit “Mirëmngjesi, Vietnam”, në bazë të cilit u bë dhe filmi, as me mrekullinë që krijoi piloti i njohur amerikan Adrian Joseph Cronauer me radion në bazën ushtarake amerikane, por për të vazhduar të bashkëjetojmë me lëkundjet e tokës shqiptare shumë më shumë se sa me frikën.
Nga momenti i parë i tërmetit tragjik të 26 Nëntorit lajmet kanë qenë të reduktuara në numër sepse jemi munduar ta ruajmë etikën në mënyrë që të mos trazojmë asnjë qetësi familjare, duke përdor fatkeqësinë për rritjen e shikueshmërisë.
Jo! Ju kemi informuar dhe do t’iu informojmë për atë që është e domosdoshme për një familje të prekur nga tërmeti dhe të gjithë atyre që sot qeverisen nga të paudhët.
Duke ju dëshiruar që sa më shpejtë të harroni këtë tragjedi kombëtare dhe ti ktheheni jetës normale në çdo aspekt, në këtë rubrikë, minutë pas minute do të mund të informoheni për goditjet e reja të tërmetit që i pasqyron deri më tani qendra më serioze sizmologjike, Qendra Mesdhetare Sizmologjike, EMSC.
