Mirëmëngjesi tërmettt

09:27 –  Instituti i Gjeoshkencave, Energjisë, Ujit dhe Mjedisit, IGJEUM, raporton për një tërmet me magnitudë 2.2 dhe thellësi 25 km me epiqendër Detin Adriatik dhe 6 km nga Hamallaj. 

Toka shqiptare nuk u shqetësua mbrëmë nga aktiviteti sizmik ndonëse nuk mungoi shqetësimi me reshjet e shiut dhe përmbytje në shumë zona, madje edhe aty ku banorët kanë ngelur pa kulm mbi kokë nga tërmeti i 26 Nëntorit, si në Durrës dhe Fushë Krujë.

Gjithsesi në mëngjes u shënua dhe një lëkundje me magnitudë 2.2 të shkallës Rihter.

Moti i keq ka shkaktuar probleme edhe në lundrimin detar, kryesisht të anijeve tregëtare dhe peshkarexhave, ndërsa tragetet kanë mbërritur me vonesë për shkak të fluksit të pasagjerëve që vijnë në atdhe për pushimet e fundvitit.

Ndërkohë reshjet intensive të shiut kanë sjellë edhe daljen nga shtrati të lumit Ishëm në Fushë Krujë.

Për pasojë kishte përmbytje në fshatin Muriqan. Plot 30 banesa në këtë fshat janë të rrethuara nga uji. Gjithashtu janë përmbytur edhe dhjetëra hektarë tokë në Mallkuç. Sipërfaqja e përmbytur po zgjerohet pasi prurjet po shtohen. Edhe rruga që lidh fshatrat e përmbytur është bllokuar tërësisht nga uji . Në pikën më të ulët niveli i ujit shkon në afro një metër. Prej kohësh ky fenomen është kthyer në gangrenë për fshatrat e zonës së Bilait, të cilët përmbyten 5-6 herë madje dhe në shumë gjatë një viti, dhe asnjë masë nuk është marrë. Edhe pse Bashkia e Krujës ka në varësi të saj eskavatorë kanalet në këto zona vijojnë të jenë të pa pastruar, ose në disa vende janë pastruar pjesë të vogla që nuk kryejnë asnjë funksion, duke rikthyer përsëri fenomenin e përmbytjes në këto zona.