Mirëmëngjesi tërmettt

19:55 – IGJEUM, raporton për një tërmet me magnitudë 2.1 të shkallës Rihter dhe thellësi 12 km, me epiqendër Lalëz, Durrës.

18:34 – Qendra Sizmologjike Mesdhetare, EMSC, raporton për një tërmet me magnitudë 3.0 të shkallës Rihter dhe thellësi 5 km, 9 km nga Vora dhe 24 km nga Tirana.

12:41 – IGJEUM, raporton për një tërmet me magnitudë 2.1 të shkallës Rihter dhe thellësi 12 km, me epiqendër 1.2 km nga Adriatik Fshat.

12:21 – IGJEUM, raporton për një tërmet me magnitudë 2.9 të shkallës Rihter dhe thellësi 36 km, me epiqendër 3.2 km nga Kurateni, Durrës.

12:09 – IGJEUM, raporton për një tërmet me magnitudë 2.5 të shkallës Rihter dhe thellësi 26 km, me epiqendër Deti Adriatik.

10:03 – Instituti i Gjeoshkencave, Energjisë, Ujit dhe Mjedisit, IGJEUM, raporton për një tërmet me magnitudë 2.6 të shkallës Rihter dhe thellësi 25 km, me epiqendër 3 km afër Nikolicës, Korçë.

Mbrëmja ishte relativisht e qetë dhe nuk u shënua asnjë lëkundje si rrallë herë më parë ndërsa lëkundjet e tokës u zhvendosën këtë mëngjes në Qarkun e Korçës përkatisht 3 km nga Nikolica.

Nërkohë Komiteti Kombëtar për Rindërtim sot në mbledhjen e kryesuar nga Kryeministri Edi Rama bëri publik edhe bilancin e fundit të tërmetiti tragjik të 26 Nëntorit ku u bë e ditur se janë 10 mijë qytetar të prekur nga tërmeti që Vitin e Ri do ta presin në çadra.

“Brenda vitit 2020 të gjithë ata që sot jetojnë në fshat që për arsye legjitime nuk janë spostuar në sistemin e qirave në zonat urbane e thjesht kanë kërkuar një cadër dimërore në oborre duhet të futen në shtëpi të reja,” tha Kryeministri Edi Rama duke dhënë sot afatin në mbledhjen e tretë të Komitetit Kombëtar të Rindërtimit.

“Asnjë nuk mundet dot ta lejojmë që të kalojnë vitin e ri 2021 në çadër. Ky është objektivi i parë,” tha Edi Rama duke shtuar se qeveria është gati që në nisje të pranverës.

“Në mars maksimalisht, të fillojmë të bëjmë spostimin e familjeve që jetojnë në fshat nga çadrat në shtëpitë e reja.

Së dyti, spitalet qendrat shqndetësore, shkollat duhet të rindërtohen të gjitha brenda 9 mujorit të parë që domethene që viti i ri shkollor për fëmijët që e humbën shkollën për shkak të rrënimit nga tërmeti duhet të nisë në shkollat e reja shumë më të mira se ato që kishin më parë.

Së treti lagjet e reja ambicia është që brenda 6 mujorit të parë ti kemi në kantjer, do kërkojnë shumë më tepër kohë se bëhet fjalë për ndërhyrje masive por objektivi është që deri në fund të vitit 2021 të kenë filluar në pjesën më të madhe akomodimet e banorëve që sot janë me qira.”

Ministri fuqiplotë, apo siç e pagëzoi Kryeministri Edi Rama, Komisari fuqiplotë për drejtimin e operacionit për fatkeqësinë natyrore, Bledi Çuçi, tha se në hotele ndodhen mbi 3 mijë persona, ndërsa në çadra janë mbi 10 mijë të prekur nga tërmeti.

Shifrat nga Emergjencat
3613 persona janë në hotele
10225 në çadra, numrin më të lartë e ka qarku i Durrësit,
39310 objekte janë verifikuar
3580 të pabanueshme në Durrës
72 objekte janë shembur
10 në Tiranë
7 në Lezhë

Familjet përfituese të qirasë
Në Durrës 1310 familje
Në Shijak 1187
Në Tiranë 2274
Në Vorë 499
Në Kavajë 176
Në Kamëz 270
Në Lezhë 610

Meremetimet
887 leje në Tiranë
12 leje në Durrës (6 kanë filluar zbatimin)

Shëndetësia
8 pacientë janë të shtruar te Trauma
3 janë dërguar për specializim jashtë vendit

Arsimi
53 shkolla janë dëmtuar rëndë nga tërmeti, u pezullua mësimi, u transferuan
Qarku më i goditur Durrësi, 32 shkolla
14 në Tiranë
7 në Lezhë
28 shkolla janë meremetuar në Durrës.