Mirëmëngjesi tërmettt…

20:59 – IGJEUM, raporton për një tërmet me magnitudë 1.7 të shkallës Rihter dhe thellësi 25 km, me epiqendër Marikaj, Vorë.

18:31 – Instituti i Gjeoshkencave, Energjisë, Ujit dhe Mjedisit, IGJEUM, raporton për një tërmet me magnitudë 1.8 të shkallës Rihter dhe thellësi 15 km, me epiqendër Koshnicë, Korçë.

17:48 – Instituti i Gjeoshkencave, Energjisë, Ujit dhe Mjedisit, IGJEUM, raporton për një tërmet me magnitudë 2.3 të shkallës Rihter dhe thellësi 6.4 km, me epiqendër Deti Adriatik, Gjiri i Lalëzit.

17:10 – IGJEUM, raporton për një tërmet me magnitudë 2.0 të shkallës Rihter dhe thellësi 16 km, me epiqendër 2.7 km nga Sinica, Korçë.

13:41 – IGJEUM, raporton për një tërmet me magnitudë 1.8 të shkallës Rihter dhe thellësi 7 km, me epiqendër Hamallaj, Durrës

11:05 – Instituti i Gjeoshkencave, Energjisë, Ujit dhe Mjedisit, IGJEUM, raporton për një tërmet me magnitudë 2.8 të shkallës Rihter dhe thellësi 18 km, me epiqendër Rade, Durrës

Në Dramën nëpër të cilën po jetonte kombi shqiptar pas tërmetit të 26 Nëntorit, vendosëm të hapim rubrikën “Mirëmëngjesi tërmettt…” duke e pritur këtë fatkeqësi natyrore, jo që është e ngjashme me dramën biografike të Barry Levinsonit “Mirëmëngjesi, Vietnam”, në bazë të cilit u bë dhe filmi, as me mrekullinë që krijoi piloti i njohur amerikan Adrian Joseph Cronauer me radion në bazën ushtarake amerikane, por për të vazhduar të bashkëjetojmë me lëkundjet e tokës shqiptare shumë më shumë se sa me frikën.

Nga momenti i parë i tërmetit tragjik të 26 Nëntorit, lajmet kanë qenë të reduktuara në numër sepse jemi munduar ta ruajmë etikën në mënyrë që të mos trazojmë asnjë qetësi familjare, duke përdor fatkeqësinë për rritjen e shikueshmërisë.

Jo! Ju kemi informuar dhe do t’iu informojmë për atë që është e domosdoshme për një familje të prekur nga tërmeti dhe të gjithë atyre që sot qeverisen nga të paudhët.

Duke filluar nga kjo ditë, lajmi kryesor tek portali ynë “PaFrikë” ishte “Mirëmëngjesi tërmettt”! Na është kërkuar nga lexuesit e nderuar ta largojmë si lajm kryesor, me arsyetimin se nuk duan ta shohin, por, në respekt të viktimave, kemi sqaruar, pavarësisht kërkesave pa fund, se ky do të jetë lajmi kryesor në respekt të 51 viktimave, deri në të 40-tat e kësaj ngjarje tragjike.

Për fat, orët e mëngjesit të ditës së 40-të ishin të qeta dhe nuk u regjistrua ndonjë aktivitet sizmik.

Duke ju dëshiruar që sa më shpejtë të harroni këtë tragjedi kombëtare dhe ti ktheheni jetës normale në çdo aspekt, duke uruar që të mos ketë asnjë aktivitet sizmik që do t’ju shqetësoj, edhe sot në ditën e 40-të “Mirëmëngjes tërmettt” do të jetë lajmi kryesor, dhe Ju minutë pas minute do të mund të informoheni për goditjet e reja të tërmetit që i ka pasqyruar dhe do ti pasqyroj qendra më serioze sizmologjike, Qendra Mesdhetare Sizmologjike, EMSC.

Të gjithë atyre që për momentin Ju kemi krijuar ndjesi të keqe nga pasqyrimi i lëkundjeve të tokës shqiptare që nga 26 Nëntori, PaFrikë u kërkon falje ndërsa viktimat, u Prehshin në Paqe!