Mision i pamundur/ Tiranë, Mogherini erdhi ti bindë shqiptarët se sa mirë jetojnë!
Përfaqësuesja për Politikë të Jashtmë dhe Siguri pranë BE, Federica Mogherini ndonëse asrye kryesore pse është në Tiranë ka pjesëmarrjen në Samitin e Liderëve të Procesit Brdo-Brijuni, ajo zhvilloi një takim dhe me kryeministrin e Shqipërisë, Edi Rama. Se çfarë u bisedua do ta mësojmë nga Ramush Haradinaj, por se çfarë thanë në konferencën për shtyp është e turpshme, skandaloze dhe tejkalon çdo kufi të paturpsisë si nga shefja e diplomacisë evropiane ashtu dhe kryeministri shqiptar.
Në fjalën e saj. Mogherini u mundua ti bind shqiptarët se sa mirë jetojnë, se çfarë përparime ka shënuar Qeveria Rama, se çfarë gjyqësori efikas që kemi tani pas Reformës në Drejtësi dhe idiotizma të ngjashëm që nuk i nxjerrë dot nga goja as Edi Rama:
“Keni treguar rezultate konkrete për reformat. Ju përgëzoj për punën që keni bërë. Besoj që ju po kaloni një proces transformimi të Reformës në Drejtësi.
1.Është arritur me reformën, ju keni arritur të keni një reformë që do ishte shembull edhe për disa nga shtetet anëtare të BE. Vettingu ka sjellë rezultate të prekshme. Ne e shohim sa krenarë janë shqiptarët për vettingun. 80% e qytetarëve shqiptarë e mbështesin.
2.Ulja drastike e kultivimit të kanabisit. Po sjell rezultate mbreslënëse.
3. Janë ndërmarrë shumë operacione për shpërbërjen e grupeve kriminale.
Ne duhet të jemi mbështetës ndaj Shqipërisë për të objektivin e saj drejtë BE-së. Është përgjegjësia jonë që ne të njohim punën tuaj dhe të japim vlerësime pozitive. Besoj se çelja e negociatave në qershor është i arritshëm, por nuk duhet ta marrim lehtë. Ti përdorim javët në vijim për të punuar që shtete anëtare të BE-së të njohin punën e tyre. Vazhdoni jepni kontributin tuaj duke komunikuar me miqtë tuaj europianë që të kenë më shumë besim te Shqipëria dhe e ardhmja jonë europiane,” u shpreh Mogherini.
Federica Mogherini dështoi në misionin e saj për ti bindur shqiptarët se sa mirë jetojnë, por arritje kishte shënuar me kryeministrin e tyre, Edi Rama. Madje, ai rrespektoi opinionin shqiptarë si rrallëherë, duke mos i marrë kohë për të bërë një liste me rezultatet, por foli rreth takimit:
“Folëm për tërësinë e reformave të ndërmarra, për pritshmëritë tona në vigjilje të daljes së raportit të progresit të komisionit europian dhe të gjitha përpjekjeve të mëtejshme të thellimit të reformave.
Nuk është sekret që ne presim vetëm një përgjigje nga komisioni europian, pra përgjigjen se i kemi kryer detyrat e shtëpisë dhe meritojmë çeljen e negociatave.
Ne i kemi këto pritshmëri sepse i kemi kryer të gjitha detyrat dhe Shqipëria flet me gjuhën e rezultateve mbi të cilat duhet të gjykohet. Nuk do të marrë kohë për të bërë një liste me rezultatet, por dua të rinënvizioj atë që i shpreha përfaqësues së lartë të BE se ne jemi të vetëdijshëm që në fund të ditës gjykimi dhe vendimi mbi rekomandimin e komisionit do të varet nga rrethanat specifike të vendeve anëtare. Jemi të vetëdijshëm se këto varet nga ne po aq sa varen nga faktorë rreth nesh por besoj se është koha për t’i dhënë fund përpjekje për një fazë përgatitjesh dhe për të filluar zyartarisht negociatat. Vjet na u dha mundësia për të nisur procesin teknik por çelja zyrtare është guri që i mungon këtij themeli për të vazhduar ndërtimin e rrugës europiane”.
