“Misioni im”/ Kryeministri Lulzim Basha, si do ta sjellë ndryshimin në Shqipëri!

Në prag të zgjedhjeve të 25 prillit 2021, Kryetari i Partisë Demokratike, Lulzim Basha, i drejtohet përmes një letre të hapur të gjithë shqiptarëve që ta votojnë kandidaturën e tij për Kryeministër. Sot është libër por si do ta sjellë ky Kryeministër ndryshimin në Shqipëri, është Misioni i Lulzim Bashës.

“Qasjet e tij personale mbi jetën politike në vend dhe zhvillimet e opozitarizmit nën drejtimin e tij; lidhjet e tij familjare e personale dhe historikun e përfshirjes së tij në politikën aktive në vend; tezat mbi gjendjen e ekonomisë sot dhe mënyrën për të dalë nga kolapsi; nevojën akute për të shmangur instalimin e një diktature përmes uzurpimit të institucioneve më të rëndësishme shtetërore, kërcënimit të medias, mercenarizimit të administratës dhe formave të tjera të presionit politik; idetë mbi ndryshimin e sjelljes politike e të kthimit të mjedisit politik e publik në qetësinë dhe normalitetin europian; thirrjen për të bashkuar ëndrrat dhe dëshirat e çdo shqiptari për një rimëkëmbje të vërtetë kombëtare: ekonomike, kulturore, shpirtërore, me po atë forcën ndryshuese që shpesh shqiptarët kanë treguar se dinë të bëjnë,” i gjejmë në letrën e hapur drejtuar shqiptarëve që tashmë është bërë publike si Mision.

Në fund, lidhjet e tij familjare e personale me Kosovën, i japin këtij traktati një frymë kombëtare dhe shpjegojnë idetë e tij se si duhet t’i qasemi çështjes kombëtare për t’i kthyer shqiptarët në kontribuesit e vyer në rajon dhe në Europë.

Ndryshe, libri “Misioni im” është i ndarë në 10 kapituj:

I. Politika për mua,
II. Partia demokratike dje, sot dhe nesër –“Partia më e bukur e Lindjes”,
III. Rithemelimi i opozitarizmit,
IV. Urgjenca e normalizimit,
V. Shtet i vogël dhe efiçent,
VI. Zgjimi ekonomik shqiptar,
VII. Demokraci dhe liri ekonomike me dimension human,
VIII. Familja e ardhmja e mbijetesës shqiptare,
IX. Në borxh me kulturën,
X. Kosova gjysma tjetër