Mitropoliti grek e “gjen” shkaktarin: Zjarret janë dënim i Zotit për kryeministrin e pafe!
Derisa hetimet vazhdojnë në shumë pista për zbulimin e shpërthimit të zjarrit të tmerrshëm në Athinë që mori jetën e 74 personave, Mitropoliti grek Amvrosios e “gjen” shkaktarin. Ai akuzoi kryeministrin Tsipras për shkak të ateizmit të tij!
Në fakt, kryeministri grek nuk është besimtar dhe mitropoliti grek nuk kursej as momentet e mortit të kësaj tragjedie që tronditi jo vetëm Greqinë, për të konfirmuar se zjarret e tmerrshme ishin në fakt dënim i zotit për kryeministrin e pafe.
“Kryeministri ateist Alexis Tsipras ka shkaktuar zemërimin e Zotit. Greqinë e kanë shkatërruar zjarret dhe përmbytjet,” ka shkruar në blogun e tij mitropoliti Amvrosios duke përshkruar Tsiprasin si “hipokrit” për ndërprerjen e vizitës së tij në Bosnje për t’u kthyer në Athinë
“Ateistët e SYRIZA-s janë shkaktarët e katastrofës së përgjithshme! Ateizmi i tyre ka shkaktuar zemërimin e Perëndisë! Disa ngjarje të jashtëzakonshme natyrore goditën vendin tonë duke shkatërruar pronat dhe njerëzit! Në 80 vitet e jetës sime nuk mbaj mend një fatkeqësi të tillë të paparë të përgjithshme në vendin tonë!”
Duke cituar Dhiatën e re, Amvrosios thekson se për shkak të “largimit të njerëzve nga Zoti paraqiten katastrofa të ndryshme siç janë tërmetet, uria, epidemitë, gjakderdhjet, krimi dhe zjarret shkatërrimtare”.
Tsipras nuk e ka martuar as vjazën e tij
“Kush është, pyes unë, për largimin e grekëve modern nga rruga e Zotit? Kush tjetër? Kryeministri ateist Alexis Tsipras dhe bashkëpunëtorët e tij,” shkruan mitropoliti grek duke theksuar faktin se Tsipras nuk ka pagëzuar as fëmijët e tij dhe nuk është celebruar me dashnoren e tij.
Mediat greke me shumë zemërim e kanë pritur këtë konstatim të mitropolitit Amvrosios dhe i rikujtuan atij se zjarret e vitit 2007, ku kanë humbur jetën 84 persona, në pushtet nuk ishte ateisti por partia konservatore dhe fetare “Demokracia e re”
