Mitrovicë e Veriut, dy të lënduar nga shpërthimi i granatës së dorës

Dy persona janë lënduar pas shpërthimit të një granate dore në afërsi të një hoteli në Mitrovicë të Veriut, pak para mesnatës.

Zv/Drejtori i Policisë për Veri, Veton Elshani, tha se nga shpërthimi janë dëmtuar 7 makina e janë lënduar dy persona, prej tyre njëri me lëndime më të rënda, por jashtë rrezikut për jetë. 

“Rreth orës 23:50, dyshohet se ka shpërthyer një granatë dore te hoteli ‘Bishevac’ në Mitrovicë të Veriut. Si pasojë e shpërthimit janë dëmtuar 7 vetura dhe dy persona janë lënduar, njëri prej tyre ka lëndime më të rënda, por jashtë rrezikut për jetë,” tha Zv/Drejtori i Policisë për Veri, Veton Elshani, duke bërë të ditur se Njësitet policore janë në vendin e ngjarjes dhe po merren me rastin.