Mitrovicë, nis asfaltimi i urës së re mbi lumin Ibër

Sot kanë nisur punimet në shtrimin e asfaltit në urën dhe rrugët që lidhin jugun dhe veriun e qytetit të Mitrovicës.

Lajmin e ka bëri të ditur sot Zv/Ministri në detyrë i Infrastrukturës, Hysen Durmishi, përmes një postimi në rrjetin social Facebook.

“Vetëm 54 ditë prej kur filluam. Sot po shtrohet asfalti në urë dhe rrugët që e lidhin urën në jug e veri të Ibrit,” shprehet Zv/Ministri në detyrë i Infrastrukturës, Hysen Durmishi.

Nga pjesa veriore asfaltimi është në përfundim e sipër, teksa menaxheri i kompanisë që po zhvillon punimet tha se më 1 shtator ato pritet të përfundojnë punimet.