Mitrovicë, një i vrarë dhe dy të plagosur

Një person është vrarë dhe dy të tjerë janë plagosur, pas të shtënave me armë zjarri sot në tregun e fruta-perimeve në Mitrovicë. Zëdhënësi i Policisë së Kosovës për Rajonin e Mitrovicës, Avni Zahiti ka dhënë detaje rreth ngjarjes që ka ndodhur sot në Mitrovicë ku për pasojë një i plagosur ka ndërruar jetë

“Është njoftuar për një rast në Tregun e Gjelbër në Mitrovicë ku është përdorur arma e zjarrit. Njësitë policore i janë përgjigjur menjëherë rastit dhe kanë shkuar në vendin e ngjarjes. Policia ka kuptuar se një person mashkull kosovar, ka shtënë në drejtim të tre personave të cilët janë të plagosur, të njëjtit janë dërguar për trajtim mjekësor në Spitalin Rajonal në Mitrovicë. Gjithashtu edhe i dyshuari është i lënduar, i njëjti është arrestuar nga njësite policore dhe është dërguar për tretman mjekësor,” tha Avni Zahiti.

Raportohet se një nga të plagosurit ka ndërruar jetë ndërkohë njësitet policore në vendngjarje po trajtojnë rastin.