Mitrovicë Veri, sulmohet një kameraman shqiptar
Politika e Aleksandar Vuçiçit dhe tërheqja e 578 serbëve në Policinë e Kosovës me urdhërin e tij sot ka shënuar dy sulme të rënda fizike ndaj shqiptarëve, njëri prej të cilëve ishte kameraman në detyrë!
Por kriminelët serbë të Vuçiçit nuk pyesin! Ndërsa kameramani Jetmir Muji, u sulmua ndërsa po filmonte rrëmbimin e një shqiptari, minoreni 16 vjeçar Granit Xhafa, u sulmua pas Mujit!
I riu ka kërkuar ndihmë mjekësore dhe është dërguar fillimisht në spitalin e Mitrovicës së Veriut e më pas është transferuar në jug.
“Rreth orës 13:00, ka ardhur një person i rrahur. Ai është transferuar nga spitali në Mitrovicën e Veriut me autoambulancë dhe polici,” tha Drejtori i Spitalit të Përgjithshëm “ Sami Haxhibeqiri” në Mitrovicë, Bashkim Hasani.
“Në spitalin në veri i është dhënë një trajtim, më pas është sjellë këtu, e në konsultim me mjekët si neurologu, kirurgu e mjeku i emergjencës, është vendosur të mbahet në spital,” tha Hasani për RTK duke shtuar se pacienti është në situatë stabël, por për shkaqe sigurie shëndetësore, është vendosur të mbahet që të ndiqet gjendja e tij shëndetësore.
Paraprakisht, në mesditën e sotme dyshohet gjithashtu se disa persona të nacionalitetit serb, kanë sulmuar kameramanin e Insajderit, derisa po filmonte.
Bazuar në deklarimin e tij, ai në atë moment po filmonte një rast të rrëmbimit të një të riu shqiptar në pjesën veriore të Kosovës, ndonëse një rast të tillë, Policia e Kosovës nuk e ka konfirmuar.
Por ekipi i gazetarëve të Insajderit kanë saktësuar se i riu i nacionalitetit shqiptar, është rrëmbyer nga disa serbë dhe është futur me forcë në një makinë. Aty është rrahur dhe është lënë në rrugë.
Me këtë rast ka pësuar kameramani Jetmir Muji, i cili ishte duke e filmuar këtë veprim, ku në shenjë revolte, sulmuesit e kanë goditur atë pas kokës.
Pasi kameramani i është nënshtruar një ndërhyrje mjekësor në Emergjencën e Mitrovicës së Jugut, Drejtori i Spitalit të Përgjithshëm “ Sami Haxhibeqiri” në Mitrovicë, Bashkim Hasani, ka sqaruar:
“Ai ka pasur tendenca të vjelljes dhe kemi bërë të gjitha ekzaminimet klinike dhe radiologjike,” tha Hasani për RTK duke shtuar se gjendja e pacientit ishte stabël dhe pas trajtimit është lënë i lirë të shkoi në shtëpi.
“Lëndimet kanë qenë të natyrës së lehtë!”
Pas këtyre sulmeve ka ka reaguar Kryetari i Partisë Serbëve të Kosovës, Aleksandar Jabllanoviç, duke drejtuar gishtin nga Lista Srpska.
“Kjo tregon se çfarë efekti real në terren e arrijnë gënjeshtrat e vazhdueshme dhe tensionet artificiale me të cilat mashtrohen dhe mbahen në vakum sigurie populli në veri të Kosovës,” thekson Jabllanoviç
Aktualisht, situata e sigurisë në veri të Kosovës raportohet e qetë.
Ndryshe, pas vendimit të Qeverisë së Kosovës për riregjistrimin e makinave në veri që mbajnë ende targa të lëshuara nga Serbia, serbi i parë që u irritua ishte Aleksandar Vuçiç i cili i dha urdhër Listës Srpska të paraqiten në Beograd; Pas këtij takimi, ky kriminel aktivizoi gjithë mekanizmat shtetëror serbë për të krijuar situatën e tensionuar që është dhe sot!
