Mjekët rus: Navalny nuk është helmuar, i ra niveli i sheqerit në gjak; Reagon bashkëshortja…
Mjekët rus sot kanë deklaruar se nuk kanë dëshmi që opozitari rus Aleksej Navalny ishte helmuar ndërsa shtojnë se shkaku i gjendjes së tij të rënduar është niveli i ulët i sheqerit në gjak.
Zv/Drejtori i Spitalit në Omsk, Anatolij Kaliniçenko tha sot para gazetarëve se në trupin e Navalnyt nuk janë gjetur gjurmë të asnjë helmi, raporton Sky News.
Mjekët rus, Novalny nuk është në gjendje për tu transportuar
Sot në Rusi kanë mbërrit mjekët gjerman të cilët shprehën dëshirën ta transferojnë jashtë Rusisë për ta shëruar por Kremlini tha se janë mjekët rus që vendosin nëse Novalny mund të transportohet me avionin ambulancë nga spitali Omskit në Gjermani.
Sot mjekët rus u shprehën se ai nuk është gati për tu transportuar.
Zëdhënësi i Kremlinit, Dmitrij Peskov tha se mjekëve gjermanë që mbërritën në Omsk i është bërë thirrje që të përfshihen në mjekimin e Navalnyt ndërsa konfirmoi se ende nuk është e qartë se cili është shkaku që u sëmurë Aleksej Navalny deri sa po kthehej dje nga Siberia në Moskë.
Bashkëshortja e Navalnyt akuzon Kremlinin
Por pavarësisht se çfarë thotë Peskov, bashkëpunëtorët e Aleksej Navalnyt akuzojnë Kremlinin se po pengon evakuimin e tij mjekësor drejtë Gjermanisë, duke shtuar se me këtë veprim po kërcënojnë edhe jetën e tij, pasi që spitali ku Navalny është shtruar nuk është i pajisur sa duhet.
Bashkëshortja, Julia Navalny, dhe zëdhënësja Kira Jarmish, kritikuan sot Kremlinin pasi doktorët e spitalit në Omsk deklaruan se transferimi do ti përkeqësonte gjendjen madje dhe cenonte jetën sepse ai vazhdon të jetë në koma dhe gjendja e tij nuk është stabël.
“Ndalimi i transportimit të Navalnyt është tentim vrasje, dhe këtë tani po e bëjnë mjekët dhe pushteti tinëzar që e përcaktoi këtë vendim,” tha Jarmish duke sqaruar përmes rrjeteve sociale se fillimisht mjekët kishin pranuar që ai të transportohet por në momentin e fundit ndryshuan mendim.
“Ky vendim natyrisht që nuk është i tyre, ky është vendim i Kremlinit,” ishte e prerë zëdhënësja e Navalnyt, Kira Jarmish.
Ekipi i Navalnyt ka cituar një zyrtar të policisë ruse i cili ka deklaruar se në trupin e tij kishte identifikuar një substancë të rrezikshme që është rrezik për të gjithë ata që rrinë afër Aleksej Navalnyt, dhe për këtë arsye duhet të kenë veshje mbrojtëse.
Njerëzit e Aleksej Navalnyt besojnë se mjekët duan ta shtyjnë transferimin jashtë Rusisë në mënyrë që të humben të gjitha gjurmët e helmimit.
Ndryshe, kritiku shumëvjeçar i Presidentit të Rusisë, Vladimir Putin, po lufton me jetën në respirator pasi ka pirë një çaj për të cilin bashkëpunëtorët e tij thonë se ishte i helmuar.
