Mjerë ky Popull/ Edi Rama mbledhë Grupin Parlamentar dhe dezinformon për Samitin e Berlinit!
Kryeministri Edi Rama e filloi fjalën e tij në mbledhjen e Grupit Parlamentar të PS me një akuzë ndaj mediave që kanë dezinformuar dhe keqinformuar por që rezultoi e kundërta:
“Nuk kisha parë kurrë më parë dezinformim, keqinformim më të madh mediatik dhe politik, sesa tërësia e marrëzirave dhe ligësive që u shoqëruan dhe pasuan në pasqyrat e mediave në Tiranë dhe Prishtinë, samiti nuk kishte asnjë lidhje me negociatat, asnjë samit për integrimin e Ballkanit Perëndimor,” u shpreh Edi Rama ndonëse nuk kishte një media normale që raportoi këtë lloj lajmi meqë Samiti ishte thirrur për çështjen Kosovë-Serbi, dhe siç duket vetëm kryeministri i Shqipërisë nuk ishte i informuar për një gjë të tillë para se të shkelte në tokën gjermane. Dhe jo vetëm kaq!
“Gramafonët që lajmëruan kobin e zi të mbylljes së negociatave, pa mbaruar ne as kafet e mirëseardhjes, ishin një shprehje ekstreme e dëshpërimit të atyre që duan të marrin me vete vendi në rrugën e theqafjes politik që e kanë zgjedhur vetë. Nuk shkova në takim për vendimin në zyrën e kancelares, se ajo nuk e thotë kurrë fjalën e fundit të parën, pa dalë raporti,” tha Edi Rama edhe pse nuk tha njeri që piu kafe kur ai pinte çaj në dy rastet e publikuara ndërsa kobi i zi nuk kishte të bënte me mbylljen e negociatave por me shkaktarin e kësaj mbyllje që vazhdon nga viti 2016 të jetë vetëm një, kryeministri Edi Rama.
Dhe doli tek çështja për të cilën nuk i ka faj askush pse nuk arrin ta vë nën kontroll edhe Deutsche Wellen:
“Këtu u arrit të shkruhet se Presidenti Macron paska fajësuar Shqipërinë për heqjen e vizave, aspak e vërtetë, presidenti i Francës foli hapur për faktin se ato forca e keqpërdorin çdo problem përfshirë edhe të azilkërkimit si argument për të frikësuar elektoratin, dhe pa pikë turpi që nga Saliu dhe Dajë Titi vrapuan të fajësojnë qeverinë tonë në emër të presidentit të Francës që e ka vlerësuar vijimësisht punën e përbashkët për uljen e numrit të azilkërkuresve vitin e shkuar.
Mjerë ky vend për këta vulëhumbur dhe për kadrinjtë e tyre të zellshëm që nuk lënë gjë pa shpifur për të helmuar miletin. Ne nuk kemi bërë asnjë mrekulli por e kemi çuar vendin në derën e paradhomës së BE,” tha Edi Rama për një lajm i cili u raportua nga Deutsche Welle dhe vetëm sa u citua nga mediat shqiptare, ku si vulëhumburit e tij ashtu dhe kadrinjtë që i ngriti, nuk kishin si ta ndalojnë lajmin i i cili e bëri të qartë se në këtë i mjerë është vetë populli shqiptar. Në fund, pas një doze të shtruar dezinformimi dhe keqinformimi, kryeministri Edi Rama vazhdoi të flas për ndryshimet në Kodin Penal. ���
