Mjerim në Kukës, PD: Do të dyfishojmë ndihmën ekonomike, vende të reja punës…

Drejtuesi politik i Partisë Demokratike për Qarkun Kukës, Flamur Hoxha, siguroi familjet në varfëri se me qeverisjen e vendit nga PD jeta e tyre do të përmirësohet dhe do të kenë shtetin në krah.

Gjatë një vizite në familjen e Servetes, e cila nuk ka mundësi ekonomike të sigurojë një jetë normale, Drejtuesi politiki Partisë Demokratike për Qarkun Kukës, theksoi angazhimin e PD për të dyfishuar ndihmën ekonomike.

Familja e Servetes është me 7 anëtarë, që jetojnë me 60 mijë lekë ndihmë ekonomike në muaj. Janë në shtëpi me qera,me fëmijë të semurë, bashkëshorti i pa punë, rrethana që rëndojnë gjendjen ekonomike të familjes! Servetja thotë se ka trokitur në çdo derë, por pa zgjidhje!

“Dyfishimi i ndihmës ekonomike, krijimi i vendeve të reja punës, ulja e çmimit të energjisë elektrike, mbrojtja e familjeve në nevojë me fashën prej 300kw, marrja përsipër 100% e interesave bankare për të pastrehët ndihmojnë në krijimin e standarteve të reja të jetesës,” u shpreh Drejtuesi politik i Partisë Demokratike për Qarkun Kukës, Flamur Hoxha, duke e siguruar Serveten se PD ka prioritet të vet zbutjen dhe elimimin e varfërisë.