Mocion me debat dhe Komision Hetimor për fondet e IPARD, akademikët e çobanëve rrëzojnë kërkesën e PD
Partia Socialiste me forcën e kartonit ka hedhur sot poshtë kërkesën e Partisë Demokratike për mocion me debat dhe Komision Hetimor Parlamentar për gjetjet e OLAF mbi fondet e vjedhura të IPARD, duke konfirmuar dhe arsyen pse Ministrja e Bujqësisë e kohës së vjedhjes, Frida Krifca, kërkonte ngritjen e Akademisë së Çobanëve kur në gjirin e saj kjo partia ka akademikë të kësaj rrace.
Me 72 vota kundër, arroganca e socialistëve në pushtet prevaloi mbi të vërtetën që nuk e mësuan ende shqiptarët ndërsa Bashkimi Evropian e zbuloi këtë vjedhje makabre që partia në pushtet i bënë bujqëve shqiptarë, duke mos miratuar kërkesën e demokratëve për ngritjen e një Komisioni Parlamentar bazuar në gjetjet e Zyrës Europiane Kundër Mashtrimit, OLAF.
Ndërkohë kreu i Grupit Parlamentar të PD ka paralajmëruar se nëse kërkesa nuk miratohet, brenda një jave PD depoziton kërkesë për ngritjen e një Komisioni Hetimor për fondet e BE.
Ndryshe, dy vjet pas raportit hetues mbi mundësinë e keqpërdorimit të fondeve të Bashkimit Europian të destinuara për bujqësinë në Shqipëri, Zyra Europiane Kundër Mashtrimit, OLAF, ka konfirmuar se hetimet kanë zbuluar parregullsi në zbatimin e programit IPARD.
“33 milionë euro fonde janë identifikuar si potencialisht të përdorura në mënyrë të papërshtatshme dhe se si pasojë, Komisioni Europian vendosi ngrirjen e fondeve IPARD për Shqipërinë, me një total prej 112 milionë eurosh, derisa të merren masat e nevojshme” ka sqaruar Zv/Drejtoresha e Përgjithshme e OLAF, Salla Saastamoinen.
