Mocion me Edi Ramën, Berisha: Nesër do faktojmë lidhjet e tij me McGonigal!
Duke e vlerësuar mocionin e nesërm me Kryeministrin Edi Rama lidhur me skandalin McGonigal me interes të jashtëzakonshëm kombëtar dhe ndërkombëtar, Kryetari i Partisë Demokratike, Sali Berisha, shprehu bindjen para Grupit Parlamentar se atij në parlament do t’i numërohen në sy një për një e gjithë veprimtaria supermafioze me akte të veçanta që ai ka kryer me një tradhtar të kombit amerikan,
Duke konstatuar se Edi Rama mashtroi mashtron shqiptarët ndërsa ori në mbrojtje të hapur McGonigalin, kryetari i PD tha se është shumë e rëndësishme që nesër shqiptarët të mësojnë të vërtetën.
“Sot ne mblidhemi në prag të mocionit për Edvin Gonigalin, i cili bëri gjithçka që të sabotojë këtë mocion, që të fshihet nga superskandali i shekullit, nga ‘Watergate’ i shekullit të 21, por një gjë i garantoj shqiptarëve se dosja e tij po bëhet gjithnjë e më e zezë nga hetimi shumë serioz që bën FBI dhe Kongresi i SHBA.
Edi Rama në këtë dosje, rreshtohet me Deripaskën dhe McGonigal. Rreshtohet si një person që i lejoi vetes një akt të cilin mund ta ndërmirrte vetëm biri shpërtëror i Enver Hoxhës, apo i Kim Jon Un. Pra rreshtohet me ata persona që nga urrejtja apo shkaqe të tjera nuk njohin asnjë kufi në akte dhe veprime të tyre kundër SHBA.
Në memorien e kohërave ky akt do të nxije gjithnjë e më shumë. Përmasat e superskandalit Rama-McGonigal në Shqipëri bëhen çdo ditë më kundërmuese e më të mëdha e më të zeza.
Unë kam bindjen se nesër në parlament atij do t’i numërohen në sy një për një e gjithë veprimtaria supermafioze me akte të veçanta që ai ka kryer me një tradhtar të kombit amerikan, të cilit i ishin besuar detyrat më të larta në fushën më sensitive të sigurisë së SHBA, dhe shqiptarët duhet të njihen me të gjitha aspektet.
Shqiptarët duhet të njihen me të gjitha aspektet, duhet të njihen me qindra e qindra denoncime të mediave Amerika, europiane, botërore të cilat dilnin tre personazhe të zeza; Oleg Deripaska në njërën anë, McGonigal tradhtari i SHBA në anën tjetër, dhe Edi Rama supermafioz,” tha Sali Berisha duke shtuar se Edi Rama mori në mbrojtje McGonigalin, dhe nesër do jetë Grupi Parlamentar i PD që do tu tregojë me fakte shqiptarëve lidhjet e tij.
“Debati i nesërm ka një interes të jashtëzakonshëm kombëtar dhe ndërkombëtar, ndaj dhe ne do të bëjmë gjithçka që ta pasurojmë me çdo element të Edi Ramës dhe McGonigalit në Shqipëri.
Duhet të hetojmë për fitimet direkte të këtij grupi mafioz, me veprimtarinë e tyre mafioze në Tiranë. Duhet hetuar listat e përpiluara dhe shpërndara në të cilat dalin qartë emrat e Edi Ramës, Lulzim Bashës etj. Pra afera është e pashembullt, kalon nga afera e lobimit për asgjësimin e opozitës, tek lobimi kundër kompanive ruse, për kompani të tjera po ruse.
Se njerëzit kujtojnë se kur dëgjojnë se ai kërkoi që të mos i jipej Yurimex apo si quhej kompania austriake, në pamje të parë austriake sepse ishte Gazprom i Beogradit dhe Vjenës, në një kohë kur lobimi u bë për një kompani tjetër me aksionerë Duçkën, Nezën etj., që rridhte direkt nga Gazprom dhe ndofta, nuk mund të them, me investime edhe të Deripaskës.”
Në seancën e nesërme plenare, tha Kryetari i PD, është e rëndësishme që shqiptarët të mësojnë të vërtetën.
“Është shumë e rëndësishme që shqiptarët të mësojnë nesër të vërtetën. Edi Rama mashtroi dhe mashtron shqiptarët. Mori në mbrojtje të hapur McGonigalin, ai tha që bënte punën e FBI këtu në Tiranë tek priste gjobat, nuk tha kështu në mënyrë tekstuale, po çfarë bënte ai në restorantet e Tiranës, pyetjes së gazetarit.
Po ajo ishte puna e FBI. Pra puna për të prerë gjoba. Dhe u shpreh se ai nuk ka prerë gjoba, nuk është takuar me biznesmenë, pra u shndërrua në një avokat të tij me moton mos më shit, se nuk po të shesh. Të dy do të marrin dënimin, ai nga vendi i tij, Edi Ramën e pret i njëjti dënim në Shqipëri,” tha Kryetari i Partisë DEmokratike Sali Berisha, duke përfunduar:
“Ndaj dhe ka rëndësi që nesër kur sytë e veshët e mbarë shqiptarëve janë drejtuar në parlament ne nuk duhet ti zhgënjejmë, përkundrazi duhet të hedhim dritë, të ndriçojmë me fjalimet tona, me fakte këtë veprimtari që tejkalon çdo gjë tjetër të kësaj natyre këtë shekull. Ky është ‘Watergate’ i shekullit të 21.”
